YOSUA 7:16 - Sura' Madatu

¹⁶ Iatonna tibangka’mo masiang nasuami Yosua tu to Israel sae mennolo situru’ sukunna, na suku Yehuda nakanna.

YOSUA 7:16 ပူးပေါင်းရင်းမြစ်များ

KADADIAN 22:3

Melambi’mi millik tu Abraham, nalapikki tu keledainna anna solanni tu solana da’dua sia iatu Ishak, anakna, sia napiak tu kayu la napantunuan pemala’ ditunu pu’pu, anna ke’de’ male lako to’ inan mangka Napokadanni Puang Matua.

PA’PUDIAN 119:60

Madomi’na’ sia tang panandakanna’ unturu’i tu mintu’ pepasanMi.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YOSUA 3:1

Melambi’mi millik tu Yosua, anna ke’de’ sola mintu’ to Israel dio mai Sitim, narampo lako Yordan, anna ma’bongi dio tu tau iato mai, namane lamban.

YOSUA 7:15

Na iatu to didullu ullendai tu atoran dipemalinna la diballa api la ia la mintu’ tu apanna, belanna nalendai tu basseNa PUANG sia napogau’ tu kabagan megi’giran lan lu Israel.

YOSUA 7:17

Nasuai tu pa’rapuanna Yehuda sae mennolo, na pa’rapuanna Zerah Nadullu Puang, na iatonna suai tu mintu’ muane dio mai pa’rapuanna Zerah sae mennolo, Zabdi nakanna.

TO PARENGNGE’ 20:19

Ke’de’mi tu mintu’ to Israel tonna melambi’, anna ma’tenda sitingoan Gibea.