YOSUA 7:11 - Sura' Madatu

¹¹ Umpogau’mo kasalan tu to Israel sia nalendaimo tu pangallu’Ku, tu Kupasan lako kalena, sia naala dukamo tu apa dipemalii, sia naboko duka, sia napasola bunimo pareanan banuanna.

YOSUA 7:11 ပူးပေါင်းရင်းမြစ်များ

2 DATU 18:12

Belanna tae’ naperangii tau iato mai tu PUANG, Kapenombanna, sangadinna natengkai tu basseNa; iamotu mintu’ apa Napepasanan lako Musa, taunNa PUANG; tae’ naperangii sia tae’ napogau’i.

2 DATU 5:24

Iatonna rampomo tu Gehazi lako tanete iato, naalami tu kandu’ dio mai tu kaunan sola duai, nanannai lan banuanna, nasuai male tu tau sola duai. Malemi tu tau iato.

YESAYA 24:5

Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

YEREMIA 31:32

Tae’ nasusi tu basse, tu Kutanan sola nene’ to dolona, tongKu toei tu limanna la ussolanni tu tau iato mai lan mai tondok Mesir, iamotu basseKu tu napoka, moi na Aku umpuangi tu tau iato mai, kadanNa PUANG.

HOSEA 6:7

Apa untengkaimo basse tu tau iato mai susi Adam; inde to dio nanii umpogau’ tang maruru’ lako Kaleku.

SURA’ KATOMINAAN 5:15

Iake denni tau tang maruru’ sia tang naangga’i umpogau’ kasalan diona apa dipamaindanan PUANG, la napemalaran lako PUANG tu misa’ domba laki tu tae’ tattanna dio mai domba sia bembe’ diposuru’ pangakuan sala, la usseroi tu kasalanna, na iatu angga’na dibutunganni unturu’ sikele’ salaka, iamotu pada gasa sikele’ maindan.

HABAKUK 2:6

Tang la nasa’buranraka parumbasan mintu’ bangsa tu diona kalena, petelle sia ponto bannang, nakua: Upu’ allona tu to umpopemba’ka’ tangia apanna la sangapara? sia iatu to umpassan apa dipa’pentoean.

ZAKHARIA 5:4

Aku umpatassu’i te tampak ropu iate, kadanNa PUANGna mintu’ ma’dandan maritik, anna rampo tama banuanna to boko sia tama banuanna to umpalao sumpa tang tongan tete dio sangangKu sia ma’bongi lan banuanna, anna sanggangi tu kayu pa’pasitammuanna sia ia duka tu batunna.

MATIUS 22:21

Nakuami tu tau mebali: Datu. Nakuami Yesu lako tau iato: Iamoto dadi pennoloanni lako datu kapua tu apanna datu kapua, sia lako Puang Matua tu apanNa Puang Matua.

PENGGAURANNA RASULU’ 5:9

Apa nakua Petrus lako: Ma’apari misituru’iri untoba-toba PenaanNa Puang Matua? Tiromi tu lentekna to ullamun muanemu dio to’ ba’ba, tau iamoto tu la umbulleko lako salian.

PA’TOLE 17:2

Iake denni dio lu kamu, lan sala umbanna kotamu, tu la Nabenko PUANG, Kapenombammu, tu misa’ muane ba’tu misa’ baine diapparan umpogau’ apa kadake dio pentiroNa PUANG, Kapenombammu, untengkai bassena;

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.

YOSUA 23:16

Iake milendai tu basse, tu Naallurangkomi PUANG, Kapenombammi, ammi male umpengkaolai sia tukku umpenombai kapenomban senga’, manassa la ma’lulu-lulu tu kasengkeanNa PUANG lako kalemi sia la madomi’komi disanggangi lan mai tondok ballo tu Nakamaseangkomi Puang.

YOSUA 7:1

Apa nalendai to Israel tu parenta diona apa dipemalii, belanna iatu Akhan, anakna Karmi, anakna Zabdi, anakna Zerah, dio mai suku Yehuda, unnalamo apa dipemalii. Iamoto nare’dek ara’Na PUANG lako to Israel.

YOSUA 7:10

Ma’kadami PUANG lako Yosua, Nakua: Ke’de’ko; ma’apari mulumbang susito?

TO PARENGNGE’ 2:20

Iake ma’lulu-lulumi tu kasengkeanNa PUANG lako to Israel, ma’kadaomi, Nakua: Belanna nalendai te bangsa iate tu basse Kualluran nene’ to dolona sia tae’ naperangii tu kadangKu,

1 SAMUEL 14:38

Ma’kadami Saul nakua: Maikomi sola nasang, e kamu mintu’ pangulu to buda, la miparessa ammi issanni, kumua umba nanii bu’tu tu kasalan iato.