YOSUA 6:9 - Sura' Madatu

⁹ Sia iatu mai to ma’pa’buno male undoloanni tu mai to minaa, tu umpannoni napiri tanduk domba, sia iatu surodadu dio boko’ undi unturu’i tu patti iato, natontong tu to minaa umpannoni napiri tanduk domba.

YOSUA 6:9 ပူးပေါင်းရင်းမြစ်များ

YESAYA 58:8

Attu iato la bu’tu tu arrangmu susi allo dellek sia iatu bangkemu madomi’ la sikemun, anna dolo dio tingayomu tu kasalamaran sia kamala’biranNa PUANG la ussa’pi’ko.

KADIBILANGAN 10:25

Iatu ma’katampakanna mintu’ to’ tenda ke’de’ iamotu banderana to’ tenda to Dan situru’ tuntunanna; iatu pangulu tuntunan surodadunna Dan iamotu Ahiezer, anakna Amisyadai.

YOSUA 6:10

Napakaintinmi Yosua tu to buda, nakua: Tae’ mima’din unnarrak-arrak sia tae’ nama’din dirangi tu gamarammi, ondongpi moi sangbuku kada da nasun dio pudukmi sae lako allo kunii ungkuangkomi, kumua: Unnarrakkomi! – mimane siarrakan.

YOSUA 6:13

Iatu pitu to minaa tu untangke pitu napiri tanduk domba dio tingayo pattinNa PUANG, marassan sia lumingka marassan duka umpannoni napiri tanduk domba, sia iatu to ma’pa’buno lumingka dio tingayona, sia iatu surodadu dio boko’, undi unturu’i tu pattinNa PUANG dio mai boko’, natontong tu to minaa umpannoni napiri tanduk domba.

YOSUA 6:8

Iatonna mangkamo to Yosua ma’kada lako to buda, malemi tu pitu to minaa tu untangke pitu napiri tanduk domba dolo dio oloNa PUANG, sia umpannoni napiri tanduk domba, na iatu patti basseNa PUANG menturu’ dio boko’na tau iato mai.