YOSUA 6:7 - Sura' Madatu

⁷ Sia ma’kada tu Yosua lako to buda, nakua: Ke’de’komi mimale ullilingi kota na to ma’pa’buno la lumingka dio tingayo pattinNa PUANG.

YOSUA 6:7 ပူးပေါင်းရင်းမြစ်များ

YOSUA 1:14

Da’ito natorro tu mai baine sia iatu mai anak bitti’mi sia patuoammi dio lu padang tu nabenkomi Musa dio sambalinna lu Yordan, apa la sakka’komi pa’buno, ammi male undoloan mintu’ siulu’mi, iamotu mintu’ pa’barani lalong, sia la mitundui tu tau iato mai,

YOSUA 4:13

Agi-agi patangpulo sa’bu tu tau sakka’ pa’bunona; lambanmi dio oloNa PUANG tu tau iato mai la parari lako padang Yerikho.

YOSUA 6:3

Inang la mililingi tu kota iato; iatu mintu’ surodadu pissanri la ullilingi tu kota iato; la mupogau’ susito lan annan allona.

YOSUA 6:6

Natambaimi Yosua, anakna Nun, tu mintu’ to minaa, anna ma’kada lako, nakua: Angka’i tu patti basse, napitu to minaa untangke pitu napiri tanduk domba lumingka dio tingayo pattinNa PUANG.

YOSUA 6:8

Iatonna mangkamo to Yosua ma’kada lako to buda, malemi tu pitu to minaa tu untangke pitu napiri tanduk domba dolo dio oloNa PUANG, sia umpannoni napiri tanduk domba, na iatu patti basseNa PUANG menturu’ dio boko’na tau iato mai.