YOSUA 6:4 - Sura' Madatu

⁴ La pitu to minaa untangke pitu napiri tanduk domba sia lumingka dio tingayo patti. Apa ianna allo ma’pempitu la pempitukomi ullilingi tu kota, namukkun tu mintu’ to minaa umpannoni napiri tanduk domba.

YOSUA 6:4 ပူးပေါင်းရင်းမြစ်များ

KADADIAN 2:3

Napassakkemi Puang Matua tu allo ma’pempitu sia Napamadatu, belanna ia Nanii untorroi ungkarang pekaranganNa tu mangka Nakarang tonNa padadii.

1 DATU 18:43

Nakuami tu Elia lako taunna: Maleko langngan, ammu tiroi tama tasik. Malemi tu taunna langngan untiroi, nakuami: Moi misa’ tae’ apa ditiro. Nakuami tu Elia: Male poleko. Susi bang to sae lako pempitu.

2 DATU 5:10

Nasuami Elisa tu misa’ pesua umpokadanni nakua: Malemokomi, mimendio’ pempitu diong salu Yordan, namondo sule tu kalemi sia la maserokomi.

2 DATU 5:14

Iamoto malemi rokko sia unnukkun pempitu diong salu Yordan, susitu kadanna taunNa Puang Matua; mondomi sule tu kalena susito kalena misa’ pia mangura sia maseromo.

2 OSSORANNA DATU 13:12

Manassa iatu Puang Matua undoloangkan, sia iatu mai to minaanNa umbaa tarompe’ kapua oninna, la dipannoni umpatirambankomi. Da’ ammi sirarianni tu PUANG, Kapenombanna nene’ to dolomi, e bati’na Israel, belanna tae’ ammi la maupa’.

2 OSSORANNA DATU 20:17

Tae’ mila manggi’ parari lan kasirarian iato: la bendankomi dio inanmi, ammi tiroi tu kapataloan Nakamaseangkomi PUANG. E to Yehuda sia to Yerusalem, da mimataku’ sia da mitiramban; masiang la milaoi tu tau iato mai, belanna PUANG urrondongkomi.

2 OSSORANNA DATU 20:19

Iatu mintu’ to Lewi dio mai to Kehat sia to Korah bendan umpudi-pudi PUANG, Kapenombanna Israel, mandu umpekapuai gamaranna.

2 OSSORANNA DATU 20:21

Sipa’kadami datu tu mai to buda, anna pasirundunanni tu ba’tu pira-pira to la umpenanian sia umpudi-pudi PUANG ma’kassa’ umpopake pakean maindan, anna doloanni tu to ma’pa’buno sia ma’kada, nakua: Pudimi tu PUANG, pa masokan Ia, belanna kamasokananNa tang leluk sae lakona.

AYUB 42:8

Iamoto alami pitu sapi laki sia pitu domba laki, mimale lako Ayub, taungKu, ammi penoloanni sia pemalaranni la mipopemala’ ditunu pu’pu’, anna taungKu Ayub umpassambayangangkomi, belanna ia manna tu passambayangna la naala penaangKu, angKu pobannangi, tang umparampoikomi tu apa kadake, belanna iatu kamu tae’ misusi taungKu Ayub, mangkamokomi umpokada tang maloloNa’.

YESAYA 27:13

Sia attu ia dukato, la den tu napiri tanduk la dipannoni, anna sae nasang tu tau iato mai, tu tisambo’ lako tana Asyur sia tu diula’i lako Mesir la sae sola nasangi tukku umpenombai PUANG dao buntu maindan dio Yerusalem.

SURA’ KATOMINAAN 14:16

Anna otonni to minna’ tu rakka’ lima kananna rokko minna’ diong pala’ kairinna, anna pa’pi’pikanni pempitu tu minna’ iato dio oloNa PUANG.

SURA’ KATOMINAAN 4:6

Na to minaa iato la unnoton rakka’na tama rara iato, anna pi’pikki pempitu dio oloNa PUANG, dio tingayona kulambu inan maindan iato.

ZAKHARIA 4:2

Ma’kadami lako kaleku nakua: Apara mutiro? Mebalimo’ kukua: Untirona’ misa’ tongkonan palita bulaan nasang, anna toppo’ daona lu tu inan minna’, pitu tu palitanna, susi duka tu sulingna pitu lako tu palita daona lu,

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

KADIBILANGAN 23:1

Ma’kadami tu Bileam lako Balak nakua: Pabendananna’ pitu inan pemalaran inde te sia parandananna’ pitu sapi laki sia pitu domba laki inde te.

YOSUA 6:13

Iatu pitu to minaa tu untangke pitu napiri tanduk domba dio tingayo pattinNa PUANG, marassan sia lumingka marassan duka umpannoni napiri tanduk domba, sia iatu to ma’pa’buno lumingka dio tingayona, sia iatu surodadu dio boko’, undi unturu’i tu pattinNa PUANG dio mai boko’, natontong tu to minaa umpannoni napiri tanduk domba.

YOSUA 6:3

Inang la mililingi tu kota iato; iatu mintu’ surodadu pissanri la ullilingi tu kota iato; la mupogau’ susito lan annan allona.

YOSUA 6:5

Iake narittinganni tau tu oni napiri tanduk domba, ammi rangi tu oni iato, la siarrakan tu mintu’ to buda, anna ro’pok tu rinding tembo’ kota, napada ungkendekki mintu’ to buda, tu natingayoinna.

KADA OMBO’ LAKO RASULU’ YOHANES 1:20

Iatu rasia diona tu pitu bintoen tu mangka mutiro lan lima kananKu, sia iatu pitu tongkonan palita bulaan battuananna: iatu pitu bintoen iamo malaeka’na to pitu kombongan, na iatu pitu tongkonan palita, iamo pitu kombongan.

KADA OMBO’ LAKO RASULU’ YOHANES 1:4

Iate sura’ lu dio mai Yohanes rampo lako pitu kombongan dio Asia: narampoimorokomi pa’kamasean sia kamarampasan lu dio mai Kalena, tu Den, sia inang Den tempon dio mai, sia la saemo, sia lu dio mai pitu penaa tu dio olo isungan kapayunganNa;

KADA OMBO’ LAKO RASULU’ YOHANES 10:3

metambami umpekapuai gamaranna susi gamara singa umburrung-burrung na iatonna metamba, pantan unnonimi tu pitu guntu’.

KADA OMBO’ LAKO RASULU’ YOHANES 15:1

Kutiro polemi misa’ tanda senga’ dao langi’, kapua sia kalle-kallean, iamotu pitu malaeka’, tu umbaa pitu kamaparrisan ma’katampakanna; belanna iamo naposundun kasengkeanNa Puang Matua.

KADA OMBO’ LAKO RASULU’ YOHANES 15:7

Misa’i tu a’pa’ a’gan kepenaa iato untadoan pitu gori-gori bulaan lako pitu malaeka’ iato, nanii ponno kasengkeanNa Puang Matua matontongan sae lakona.

KADA OMBO’ LAKO RASULU’ YOHANES 16:1

Kurangi poleomi misa’ gamara kapua lan mai banuanNa Puang Matua ma’kada lako malaeka’ sola pitui nakua: Malekomi sia bolloanni tu pitu gori-gori kasengkeanNa Puang Matua tama lino.

KADA OMBO’ LAKO RASULU’ YOHANES 5:1

Kutiromi lan lima kananNa Puang tu unno’ko’ dao isungan kapayungan iato misa’ sura’, tu disura’ lanna lu sia salianna, sia dica’ pitu ca’.

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.

KADA OMBO’ LAKO RASULU’ YOHANES 8:2

Kutiromi tu pitu malaeka’ bendan dio oloNa Puang Matua, anna diben pitu tarompe’ pua.

KADA OMBO’ LAKO RASULU’ YOHANES 8:6

Iatu pitu malaeka’, untoe pitu tarompe’ pua tumayamo la ma’pannoni.