YOSUA 5:9 - Sura' Madatu

⁹ Ma’kadami tu PUANG lako Yosua, Nakua: Allo iate Kulendokammo dio mai kalemi tu kanabellerammi to Mesir. Iamoto nasangai tau Gilgal tu inan iato sae lako allo iate.

YOSUA 5:9 ပူးပေါင်းရင်းမြစ်များ

KADADIAN 34:14

Ma’kadami lako nakua: Tae’ kima’din umpogau’i susinnato, la umpa’ben siulu’ki lako to tang ma’sunna’, belanna kipomasiri’.

2 SAMUEL 19:15

Ta’kala sulemi tu datu anna rampo lako Yordan. Saemi tu mintu’ to Yehuda lako Gilgal untammui datu, la unnanta’i ullamban Yordan.

NEHEMIA 12:29

sia dio mai Bet-Gilgal sia padang nalili’ Geba sia Asmawet, belanna mintu’ to menani ma’tondokmo untikui Yerusalem.

PA’PUDIAN 119:39

Patoyangi dio mai kaleku tu kadilangdoan kukataku’, belanna maelo tu mintu’ atoramMi.

YEREMIA 9:25

Tonganna la sae tu allo, kadanNa PUANG, ke Kuukungi tu mintu’ to disunna’i, apa butungpa to tang disunna’i;

YEHEZKIEL 23:3

Tau iato mai ma’gau’ sala dio Mesir; iatonna mangurapa ma’gau’ sala; dio dinii ungkaka’i tu susunna sia ussapu-sapui tu susunna, tonna anak darapa.

YEHEZKIEL 23:8

Sia tae’ natore tu pa’gau salana, tonna dio lu Mesir, belanna iatu tau iato mai nasangamparan, tonna mangura, sia ussapu-sapui tu susunna tonna anak darapa sia umpaliu gau’ salana lako tau iato mai.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

SURA’ KATOMINAAN 24:14

Baai tu tau ma’tampak ropu lako salian to’ tenda, anna mintu’ tu to urrangimi urremme’i lima tu ulunna, na iatu mintu’ kasirampunan ussileba’i batu.

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

MIKHA 6:5

E taungKu, kilalai tu apa natangnga’-tangnga’ Balak, datu Moab, sia iatu apa napebalian Bileam, anakna Beor, lako, sia apa dadi randuk dio mai Sitim sae lako Gilgal, kumua mukanassai tu katongananNa PUANG.

ZEFANYA 2:8

Kurangimo tu pelo’bona Moab sia pebe’sena to Amon, tu nalo’boan taungKu sia tu napokapua penaanna unnea lili’na.

YOSUA 24:14

Iamoto la mikasiri’ tu PUANG sia la mipenombai situang penaa lantuk sia maruru’, ammi boko’i tu mintu’ deata tu napenombai nene’ to dolomi sambalinna lu Salu sia dio Mesir, ammi pengkaolai PUANG.

YOSUA 4:19

Iatu bangsa iato kendek diong mai Yordan tonna allo ma’pessangpulo bulan bunga’na, anna ma’tenda dio Gilgal rampe matallo lili’na Yerikho.

YOSUA 5:8

Iatonna pura nasangmo tu mintu’ bangsa disunna’i, torromi tu tau iato mai dio inanna lan to’ tenda sae lako mondona.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.

1 SAMUEL 7:16

Taunoi-taunoi maleoi tu Samuel ullelei tondok randuk dio mai Betel sae lako Gilgal sia Mizpa, sia dio mintu’ tondok iato nanii ullembanganni tu toean to parengnge’ lako to Israel.