YOSUA 5:1 - Sura' Madatu

¹ Iatonna rangimi mintu’ datu to Amori, tu dio rampe matampu’na Yordan sia mintu’ datu to Kanaan dio randan tasik, kumua Napamarangke PUANG tu uai Yordan dio tingayona to Israel sae lako tappunna lamban tu tau iato mai, raangmi penaanna sia pa’de deata, belanna mataku’ lako to Israel.

YOSUA 5:1 ပူးပေါင်းရင်းမြစ်များ

KADADIAN 12:6

Iatu Abram ullendu’i tana iato, anna rampo lako tondok Sikhem, rampo lako to’ kayu tarpin More. Attu iato nanii to Kanaan tu tana iato.

KADADIAN 48:22

Kubenmoko sanglontok padang umborong, iamo mulosongi to na iatu mai taana mintu’ siulu’mu, iamotu kurampa la’bo’ku sia panaku dio mai to Amori.

2 SAMUEL 21:2

Natambaimi datu tu to Gibeon anna ma’kada lako kalena. – Iatu to Gibeon tae’ nasangbilangan to Israel, sangadinna sangbilangan tu to Amori disesannapa; moi namangkamo sibasse sia sisumpa to Israel tu tau iato mai, apa undaka’ lalan tu Saul la ussanggangi tu tau iato mai, belanna kamatutturanna tu la napomelona to Israel sia to Yehuda –.

1 DATU 10:5

sia mintu’ kande dao medana, sia kao’koranna to mase’ponna sia bendanna mintu’ to ma’kamayana sia pakeanna tau iato mai, sia mintu’ apa nairu’ sia pemala’ ditunu pu’pu’na tu biasa napennoloan lan banuanNa PUANG, pa’de deatami tu datu baine iato.

EZRA 9:1

Iatonna mangkamo tu mintu’ apa iato, saemi tu mintu’ pangulu lako kaleku sia ma’kada nakua: Iatu to Israel sia tominaa sia to Lewi tae’ natoyangan kalena dio mai mintu’ bangsa lan tondok diona tu apa megallian, iamotu dio mai to Kanaan, to Het, to Feris, to Yebus, to Amon, to Moab, to Mesir na to Amori.

PA’PUDIAN 135:11

La Sihon, datu to Amori, la Og, datu Basan, sia mintu’ kadatuan dio Kanaan;

KATASSURAN 23:28

Sia la ussuaNa’ tabuan balo undoloangko anna ula’i tu mintu’ to Hewi sia to Kanaan sia to Het dio mai tingayomu.

YESAYA 41:5

Iatu mintu’ biring tasik mataku’ untiroi tu iannato; mintu’ randan langi’ ma’parondo, anna pada sae mengkareke’.

YEHEZKIEL 16:3

sia ma’kadako mukua: Inde sia tu kadanNa Puangta PUANG lako Yerusalem Nakua: Iatu munii bu’tu sia kadadiammu lu dio mai tondok to Kanaan, iatu ambe’mu to Amori na iatu indo’mu to Heti.

YEHEZKIEL 21:7

Ianna ma’kada tu tau lako kalemu nakua: Apara tu miposarro?, la mukua mebali: Iamotu diona kareba, tu la saemo, tu napobannang bonnong tu mintu’ penaa, sia kope tu mintu’ lima, sia ri’ta’ tu mintu’ ba’teng sia tang nasalamo ma’pu’ tu mintu’ guntu’. Manassa la rampomo sia dadi, kadanNa Puangta PUANG.

DANIEL 5:6

Attu iato bali’mi tu rupanna datu sia iatu tangnga’na umpamagiang penaanna, sia langga’ tu aakna, na iatu guntu’na sigalatuan.

AMOS 2:9

Moi mangkamo Kusabu’i tu to Amori dio tingayona, moi anna pada lando kayu arasi’ sia pada buku kayu jati, ondongpi Kusabu’i tu buanna dao mai sia uaka’na diong mai.

KADIBILANGAN 13:29

Iatu Padang lo’na lu nanii ma’tondok to Amalek, iatu padang ma’buntunna nanii ma’tondok to Het, to Yebus sia to Amori, nadio ma’biring tasikna sia dio randan salu Yordan nanii to Kanaan.

YOSUA 17:12

Apa iatu to Manasye tae’ nabela untaloi tu mai kota iato, belanna matoto’mo tu to Kanaan torro umpa’tondokki.

YOSUA 17:18

sangadinna la mipotaa duka tu padang ma’buntunna; sia belanna padang pangallaran, iamoto mila ullellengi sia usseroi. Ia dukamoto mila umpotaai sae lako tampakna, belanna la miula’i tu to Kanaan lan mai, moi naampui tu kareta bassi sia mandu mawatang tu tau iato mai.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

YOSUA 3:16

pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.

YOSUA 3:17

Apa iatu mintu’ to minaa, tu umbulle patti basseNa PUANG, bendan bantang dio to’ karangkeanna lan tangnga Yordan, anna tongke lamban tu mintu’ to Israel dio to’ karangkeanna sae lako tappunna tu mintu’ bangsa iato ullamban Yordan.

KADA OMBO’ LAKO RASULU’ YOHANES 18:10

anna bendan mambela belanna ungkataku’ kadipakario-rioanna sia ma’kada nakua: A’a, a’a tondok Babel kapua, sia tondok matoto’! sangte’te’ri anna saemo tu ukungan urrampoiko.

TO PARENGNGE’ 1:1

Iatonna matemo tu Yosua, mekutanami tu to Israel lako PUANG, nakua: Mindarakan tu la male dolo urrarii to Kanaan.

TO PARENGNGE’ 11:23

Susimoto tu PUANG, Kapenombanna to Israel, urrambai tu to Amori dio mai padang mana’na dio tingayona to Israel, taunNa, umbara mikua urrambai pole’kan?

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.

TO PARENGNGE’ 4:2

Iamoto Nasorongi PUANG tu tau iato mai tama kuasanna Yabin, datu to Kanaan, tu ma’parenta dio Hazor; na iatu kamandang lompona disanga Sisera, torro dio Haroset-Hagoyim.

1 SAMUEL 25:37

Melambi’ dio mai tonna pa’demo tu re’de uai anggoro’ pangiru’na Nabal, napokadammi bainena lako tu mintu’ apa iato. Ronno’mi tu buana, anna dadi susi batu.