YOSUA 4:12 - Sura' Madatu

¹² Lamban dukami tu to Ruben sia to Gad sia sesena rapu Manasye sakka’ la parari undoloan mintu’ to Israel, susitu mangka napokada Musa lako tau iato mai.

YOSUA 4:12 ပူးပေါင်းရင်းမြစ်များ

KATASSURAN 13:18

Sangadinna Napasepang Puang Matua, tu tau iato mai, unnola lalan ma’palulako padang pangallaran tasik Teberau. Ke’de’mi tu to Israel tassu’ lan mai tondok Mesir, sakka’ pa’bunona.

KADIBILANGAN 1:24

Iatu bati’na Gad, iamotu lanto mimi’na unturu’ pa’rapuanna sia rapunna, situru’ bilangan sanganna, randuk dio mai siduangpulo taunna ba’tu la’bi, mintu’nato la lao parari,

KADIBILANGAN 32:17

apa nakami kalenamora la ma’pasakka’ angki madomi’ dio tingayona to Israel, sae lako kisolan tu tau iato lako to’ inanna. Lan attu iato iatu mai anakki la umpa’tondokki tu kota ditambakuku iato, kumua da nalaoi pa’tondokan.

PA’TOLE 3:18

Attu iato mepasanmo’ lako kalemi kumua: Iatu PUANG, Kapenombammi, umbenkomi te tondok, la miala mipoapa; moi susito la undoloan dukakomi siulu’mi to Israel, ma’pa’buno lamban lian, iamotu mintu’ muane sakka’ parari.

PA’TOLE 33:21

Naalan kalena tu taa ma’iringanna, belanna inde to nanii membuni tu taana to ma’parenta; rampo lako pangulunna bangsa iato; napalalo tu kamaloloanNa PUANG sia ukunganNa sola to Israel.

YOSUA 1:14

Da’ito natorro tu mai baine sia iatu mai anak bitti’mi sia patuoammi dio lu padang tu nabenkomi Musa dio sambalinna lu Yordan, apa la sakka’komi pa’buno, ammi male undoloan mintu’ siulu’mi, iamotu mintu’ pa’barani lalong, sia la mitundui tu tau iato mai,

YOSUA 4:11

Iatonna tappumo tu bangsa iato lamban, lamban dukami tu pattinNa PUANG sola mintu’ to minaa dio pentirona tu bangsa iato.

YOSUA 4:13

Agi-agi patangpulo sa’bu tu tau sakka’ pa’bunona; lambanmi dio oloNa PUANG tu tau iato mai la parari lako padang Yerikho.