YOSUA 3:7 - Sura' Madatu

⁷ Ma’kadami tu PUANG lako Yosua, Nakua: Allo iate Kuranduk umpatarompo’ko dio pentirona mintu’ to Israel, anna issanni, kumua: Susitu Musa mangka Kurondong, susi dukato Aku la urrondongko.

YOSUA 3:7 ပူးပေါင်းရင်းမြစ်များ

1 OSSORANNA DATU 29:25

Mandu Napatarompo’mi PUANG tu Salomo dio pentirona mintu’ to Israel, sia naben kadatuan kabarre-alloan, tu tae’ bangpa naden dolona misa’ datu dio lu to Israel, tu susi kamala’biranna to.

2 OSSORANNA DATU 1:1

Iatu Salomo anakna muane Daud, untoe manda’mo kaparentanna, belanna Narondong PUANG, Kapenombanna, sia Napatarompo’ tongan.

AYUB 7:17

Apa todara ia tu tolino, amMi sangari tarompo’ tongan, Miurungan umpariba’tangi.

PA’PUDIAN 18:35

Napopa’biasa tu limangku parari, naurunganni malute tu limangku unggittingan ulang pana tambaga.

YOHANES 17:1

Susimoto tu kadanNa Yesu, Namentingara langngan langi’ anNa ma’kada, Nakua: O Ambe’, nalambi’mo attunna, pakala’bi’mi tu AnakMi, anNa pakala’bi’komi AnakMi.

FILIPI 1:20

susitu kupiang-piangna sia kurannuanna, kumua tae’ kula kasirisan lan misa’ duka apa, sangadinna la batta’ tonganna’, susitu biasanna, susi dukato tu totemona, la dipakala’bi’ tu Kristus lan kaleku, la tuoku la mateku.

YOSUA 1:17

Susitu Musa kituru’, susi dukamoto tu kamu la kituru’; Narondongmorokomi PUANG, Kapenombammi, susi kaNarondonganna tu Musa.

YOSUA 1:5

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

YOSUA 1:9

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

YOSUA 3:6

Ma’kadami tu Yosua lako mintu’ to minaa, nakua: Angka’i tu patti basse, ammi lumingka undoloan to buda. Naangka’mi tu patti basse, anna lumingka undoloan to buda.

YOSUA 3:8

La mupa’parentan lako mintu’ to minaa tu umbulle patti basse kumua: Iake rampomokomi lako randanan Yordan, torrokomi bendan lan Yordan.

YOSUA 4:14

Allo iato Napatarompo’mi PUANG tu Yosua dio pentirona mintu’ to Israel, naurunganni mataku’ tu tau iato mai lako kalena susi kamatakuranna lako Musa lan mintu’ allo katuoanna.