YOSUA 3:5 - Sura' Madatu

⁵ Nakuami Yosua lako tu to buda: Pamaserokomi kalemi, belanna masiang la umpogau’ tanda kalle-kallean tu PUANG dio lu kamu.

YOSUA 3:5 ပူးပေါင်းရင်းမြစ်များ

AYUB 1:5

Ianna upu’omo tu allona pa’maruasan, natambaimi Ayub tu mai anakna, anna pamaseroi; attu iato mela’bik tongan millik, anna pennoloanni pemala’ ditunu pu’pu’ tu mai anakna simisa’-misa’i, belanna natangnga’ Ayub lan penaanna, kumua umbai umpogau’mo kasalan tu anakku sia tang umbilangmo Puang Matua lan penaanna. Susimoto tu tontong na pogau’ Ayub.

PA’PUDIAN 77:15

Kamumo tu Puang umpogau’ apa kalle-kallean, sia mangka Mipapayan tu kuasamMi dio lu mintu’ bangsa.

PA’PUDIAN 86:10

Belanna Kamumo tu pasareongan umpogau’ kalle-kallean, Kamu manna tu Puang Matua.

YOËL 2:16

Rampunni tu bangsa, pamaindanni tu kombongan, pasipulungi tu mintu’ to matua, rampunni tu mai pia’-pia’ sia mintu’ pia ma’susupa, la tassu’ tu muane la diparampo lan mai bilikna sia iatu baine la di parampo lan mai katindoanna.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

SURA’ KATOMINAAN 20:7

Iamoto pemaseroi tu kalemi, ammi masero, belanna Akumo tu PUANG, Kapenombammi.

KADIBILANGAN 11:8

Iatu tau lu lako lu dio mai la urrurukki tu manna, anna rissoi lan pangrissoan, ba’tu nalambuk lan issong sia nanasu lan kurin ba’tu nagaragai pa’ranggina. Iatu kandeanna susito deppa digoreng minna’.

YOHANES 17:19

Sia belanna iari angKu pamaindan Kaleku, kumua anna dipamaindan duka umpoparinding kamanapparan.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

YOSUA 3:15

Iatonna rampomo tu to umbulle patti lako Yordan sia iatonna mellesemo tu lette’na mintu’ to minaa umbullei tu patti rokko uai – iatu Yordan saba’mo lako biringna lan mintu’ allo pegandungan –,

YOSUA 3:4

Apa melo ke iatu kasiallarammi na patti iato agi-agi duangsa’bu siku; da mimareke’ lako; ammi tandai tu lalan, tu sipatu la miolai, belanna tae’pa miola lenni tu lalan iato la iongi’ la duangbongi’.

YOSUA 3:6

Ma’kadami tu Yosua lako mintu’ to minaa, nakua: Angka’i tu patti basse, ammi lumingka undoloan to buda. Naangka’mi tu patti basse, anna lumingka undoloan to buda.

YOSUA 7:13

Ke’de’moko, mupamaseroi te bangsa iate, sia la mukua: Pamaseroi tu kalemi sae lako masiang, belanna inde sia tu kadanNa PUANG, Kapenombanna to Israel, Nakua: Den tu pepayu dio lu kalemi, e to Israel, iamoto natae’ muattai bendan unnea ualimmu, ke tae’pi mipatoyangi dolo dio mai kalemi tu pepayu.

1 SAMUEL 16:5

Mebalimi nakua: Melo sia! Iatu kasaeangku te la memala’ lako PUANG. Seroimi tu kalemi anta male sola memala’. Napamaseromi tu Isai sola tu mintu’ anakna muane, natambai memala’ sola.