YOSUA 3:3 - Sura' Madatu

³ nasuai tu to buda, nakua: Iake mitiroi tu patti basseNa PUANG, Kapenombammi, sia mintu’ to minaa, bati’na Lewi, umbullei, la ke’de’ dukakomi dio mai inammi, ammi turu’i.

YOSUA 3:3 ပူးပေါင်းရင်းမြစ်များ

2 SAMUEL 6:13

Iatonna mentengkamo pennannan tu to umbulle pattinNa PUANG, napemalarammi tu misa’ sapi sia misa’ anak sapi maloppok.

2 SAMUEL 6:3

Nabaami tu pattinNa Puang Matua napadaoi misa’ kareta ba’ru; naala lan mai banuanna Abinadab dao tanete, namale Uza sola Ahyo, anakna muane Abinadab, umbaai.

1 DATU 8:3

Iatonna sae nasangmo tu pekaamberanna to Israel, naangka’mi mintu’ to minaa tu patti,

YEREMIA 33:18

sia dio mai tu mintu’ to minaa to Lewi tae’ len nala ka’tu tau dio oloKu umpemalaran pemala’ ditunu pu’pu’ sia untunu kande dipemalaran sia umpennoloan pemala’ pangrere’ lan mintu’ allo.

KADIBILANGAN 10:33

Ke’de’mi tu tau dio mai buntunNa PUANG, anna male lan kalingkan tallung allo, na iatu patti basseNa PUANG dolo dio tingayona tau iato mai la undakaranni inan kapelayoan.

KADIBILANGAN 4:15

Iake la ke’de’mi tu tau dio mai to’ tenda sia iake mangkami tu Harun sola anakna ussamboi tu apa maindan sia mintu’ pareanan maindan, namane tama tu to Kehat la umbullei; apa da’ narumbui tu apa maindan iato, kumua da’ namate tu tau iato. Iate pareananna Tenda Kasitammuan sipatu nabulle to Kehat.

MATIUS 16:24

Tonna iato Nakuami Yesu lako anak gurunNa: Iake denni tau la morai undi urrundu’Na’, la ussa’biangan kalena sia unnendekan kayu pea’ta’na, naundi urrundu’Na’.

MATIUS 8:19

Saemi misa’ pandita Sura’ nakua lako: O Guru, la undina’ urrundu’Komi umba-umba Miola.

PA’TOLE 31:25

napasanmi lako to Lewi, tu umbulle patti basseNa PUANG, nakua:

PA’TOLE 31:9

Iatonna mangkamo Musa ussura’i tu Sukaran aluk iate, napa’bengan lako to minaa, iamotu bati’na Lewi, tu umbulle patti basseNa PUANG, sia lako mintu’ pekaamberanna to Israel.

YOSUA 3:4

Apa melo ke iatu kasiallarammi na patti iato agi-agi duangsa’bu siku; da mimareke’ lako; ammi tandai tu lalan, tu sipatu la miolai, belanna tae’pa miola lenni tu lalan iato la iongi’ la duangbongi’.

YOSUA 3:6

Ma’kadami tu Yosua lako mintu’ to minaa, nakua: Angka’i tu patti basse, ammi lumingka undoloan to buda. Naangka’mi tu patti basse, anna lumingka undoloan to buda.

YOSUA 3:8

La mupa’parentan lako mintu’ to minaa tu umbulle patti basse kumua: Iake rampomokomi lako randanan Yordan, torrokomi bendan lan Yordan.

YOSUA 4:10

Iatu mintu’ to minaa, tu umbulle patti, torro bendan lan tangnga Yordan sae lako sundunna tu mintu’ apa Napa’parentan PUANG lako Yosua la umparampoi lako bangsa iato, susitu mintu’ apa napasan Musa lako Yosua. Tikara-karami lamban tu bangsa iato.

YOSUA 6:6

Natambaimi Yosua, anakna Nun, tu mintu’ to minaa, anna ma’kada lako, nakua: Angka’i tu patti basse, napitu to minaa untangke pitu napiri tanduk domba lumingka dio tingayo pattinNa PUANG.

KADA OMBO’ LAKO RASULU’ YOHANES 14:4

Iamote mai tu to tae’pa naparuttakki baine kalena, belanna malolle’pa; sia iamote mai tu to urrundu’ mai lako Anak domba umba-umba Naola. Iate tau iate mai mangka dila’bak tassu’ dio mai tolino Napobunga’ bua Puang Matua sia Anak domba.

1 SAMUEL 6:15

Napopengkalaomi to Lewi tu pattinNa PUANG sia iatu patti bitti’ dio sa’dena nanii pareanan bulaan, anna patorroi dao batu kapua iato, na allo ia dukato napemalaranni mintu’ to Bet-Semes lako PUANG, tu pemala’ ditunu pu’pu’ sia pemala’ direre’.