YOSUA 3:16 - Sura' Madatu

¹⁶ pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.

YOSUA 3:16 ပူးပေါင်းရင်းမြစ်များ

KADADIAN 14:3

Sirampunmi sola nasangi diong lombok Sidim iamotu tasik Ma’sin totemo.

1 DATU 4:12

na Baana, anakna Ahilud umparenta Taanakh sia Megido sia mintu’ lili’na Bet-Sean, dio sa’dena Sartan, rokkona Yizreel, randuk dio mai Bet-Sean sae lako Abel-Mehola, tu’tun dio lakona Yokmeam;

1 DATU 7:46

Napati’no’ datu tu oongan iato dibo’bokan pa’pati’noran mandalan dio Padang lili’na Yordan, dio kasiallaranna Sukot na Sartan.

PA’PUDIAN 114:3

Mallaimi tu tasik tonna tiroi tu iannato, sia lolong sule tu Yordan;

PA’PUDIAN 114:5

E tasik, ma’aparoko ammu mallaira susito? Sia iko, e Yordan, ammu lolong sulera?

PA’PUDIAN 29:10

Iatu PUANG unnisungmo dao lu uai buda, ondongpi iatu PUANG unnisung butung datu sae lakona.

PA’PUDIAN 33:7

Napopa’misa tu mintu’ uai tasik butung misa’ patuku, sia mintu’ uai mandalan, Napatama pa’pannianna.

PA’PUDIAN 66:6

Napopengkarangkean tu tasik, sia lumingka tu tau ullamban salu, inde to tanii umpoparannu Puang Matua.

PA’PUDIAN 74:15

Kamumo umpabu’tu kalimbuang sia umpalolong uai salu, sia umpamarangke salu kapua.

PA’PUDIAN 77:19

Iatu oni guntu’Mi menanan, sia iatu kila’ unnarrang lino, na iatu lino rumonting sia tiseno.

PA’PUDIAN 78:13

Naballak tu tasik anNa palambanni tu tau iato mai, Napopa’parinding tu uainna susi misa’ sapan.

KATASSURAN 14:21

Napa’dulluammi Musa tu limanna tama tasik anNa pasoro’i PUANG tu uai tasik iato Napairi’i angin bara’ lu dio mai rampe matallo situ’turan bongi iato Napopempadang marangkei tu tasik, anna tipa’dua tu uainna.

KATASSURAN 14:22

Lumingkami tu to Israel lan tangnga tasik unnolai tu marangkena, na iatu uai butung to rinding tembo’ dio la’pekna patomali.

KATASSURAN 14:29

Apa iatu mintu’ to Israel unnola karangkean lan tangnga tasik, na iatu uainna butung rinding tembo’ umpetangngai dio kananna sia dio kairinna.

KATASSURAN 15:8

Diona angin sun dao mai illongMi anna dipopa’patuku-tuku tu uai; sia iatu uai saba’ tulangdan susi sapan, sia mintu’ bombang makko lan atena tasik.

YESAYA 50:2

Ma’apai anna tae’ bang tau tongKu sae, sia tae’ bang tau mebali, tongKu metamba? Tarru’ kondi’raka tu limangKu la patunduan ba’tu tae’raka kamatotorangKu la parampanan? Manassa Kupakarrang tu tasik anna marangke sia Kupopempadang aak tu salu; naurunganni bubosi mate ma’rang tu mintu’ bale lan, belanna tae’mo uai diong.

YEHEZKIEL 47:8

Ma’kadami lako kaleku nakua: Iate uai iate lolong lako padang rampe matallo, anna lolong rokko Araba-Yordan, anna tama tasik, tibarrakmi tama tasik, naurunganni melo tu uainna.

NAHUM 1:4

Nagarrak tu tasik sia Napamarangke sia mintu’ salu Napaba’ta’. Iatu Basan sola Karmel tang me’dukmo, sia mintu’ daun-daun dao Libanon malayumo.

HABAKUK 3:8

SengkeroKomika lako mintu’ salu, o PUANG, dukkuraka tu kasengkeamMi lako mintu’ salu, ba’tu re’dekraka tu ara’Mi lako tasik, amMi sakei tu darangMi, ba’tu kareta kapataloamMi?

KADIBILANGAN 34:3

Iatu tampak rampe lo’na lu la randuk dio mai padang pangallaran Zin sipeupu’ Edom sia passaparanna padangmi rampe lo’na lu la randuk dio mai tampak tasik Ma’sin rampe matallo.

PA’TOLE 1:1

Inde sia tu kada mangka napokada Musa lako mintu’ to Israel sambalinna lu Yordan, lan padang pangallaran, dio Araba-Yordan, tu sitingoan Suf, dio alla’na Paran na Tofel, Laban, Hazerot sia Di-Zahab.

PA’TOLE 3:17

namane Araba-Yordan sia Yordan sola lili’na randuk dio mai Kineret sae lako tasik Araba, iamotu tasik Ma’sin, dio garonto’ mennaa’na Pisga ma’palulako rampe matallo.

YOSUA 12:3

sia Araba-Yordan sae lako rampe matallo tasik Kinerot sia sae lako rampe matallo tasik Araba, iamo tu tasik Ma’sin, ma’palulako Bet-Yesimot sia rampe lu sau’na diong garonto’ mennaa’na Pisga.

YOSUA 15:2

Iatu katonanna lo’na lu randuk dio mai iringna tasik Ma’sin, randuk dio mai tasik mengkoko, tu ma’palusau’na;

YOSUA 16:7

dio mai Yanoah ma’palurokko Atarot sia Naharat, untu’tun lili’na Yerikho, na iatu tampakna sae lako Yordan.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

YOSUA 4:22

La mipaissanan anakmi kumua: Indete dio to’ karangkeanna nanii to Israel ullamban Yordan.

YOSUA 5:1

Iatonna rangimi mintu’ datu to Amori, tu dio rampe matampu’na Yordan sia mintu’ datu to Kanaan dio randan tasik, kumua Napamarangke PUANG tu uai Yordan dio tingayona to Israel sae lako tappunna lamban tu tau iato mai, raangmi penaanna sia pa’de deata, belanna mataku’ lako to Israel.

TO PARENGNGE’ 7:22

Iatonna marassan tu tau talluratu’ umpannoni napiri tandukna, pantan Napapatuimi PUANG pa’dang ke simisa’oi ualinna siea lan lu mintu’ inan tenda surodadu iato, naurungan mallai tu surodadu iato lako Bet-Sita, ma’palulako Zerera sae lako lili’ dio tampakna Abel-Mehola, sikandappi’ Tabat.