YOSUA 3:1 - Sura' Madatu

¹ Melambi’mi millik tu Yosua, anna ke’de’ sola mintu’ to Israel dio mai Sitim, narampo lako Yordan, anna ma’bongi dio tu tau iato mai, namane lamban.

YOSUA 3:1 ပူးပေါင်းရင်းမြစ်များ

KADADIAN 21:14

Millikmi tu Abraham tonna melambi’, naalai tu roti na misa’ kiriba’ nanii uai lan, nabenni Hagar, napatoppo’i dao palempengna, naben dukai tinde pia, anna suai male. Malemi, anna pusa lan padang Bersyeba.

KADADIAN 22:3

Melambi’mi millik tu Abraham, nalapikki tu keledainna anna solanni tu solana da’dua sia iatu Ishak, anakna, sia napiak tu kayu la napantunuan pemala’ ditunu pu’pu, anna ke’de’ male lako to’ inan mangka Napokadanni Puang Matua.

PA’PUDIAN 119:60

Madomi’na’ sia tang panandakanna’ unturu’i tu mintu’ pepasanMi.

YEREMIA 25:3

Randuk tonna ma’pessangpulo tallunna ma’parenta tu Yosia, anakna Amon, datu Yehuda, sae lako allo iate, denmo duangpulo ntallu taunna, narampoimo’ tu kadanNa PUANG sia kupokadammokomi ke makale’ sia ke karoen, apa tae’ duka miperangii.

YEREMIA 26:5

sia tae’ miperangii kadanNa taungKu iamotu mai nabi tu Kusua lako kalemi, ke makale’ sia ke karoen, natae’ miperangii,

YEREMIA 7:13

Totemo, belanna mipogau’ te mintu’ penggauran iate, kadanNa PUANG, sia Kupa’kadaikomi, ke makale’ sia ke karoen, apa tang miperangii sia Kukambaroangkomi, apa tae’ bang mimebali.

MIKHA 6:5

E taungKu, kilalai tu apa natangnga’-tangnga’ Balak, datu Moab, sia iatu apa napebalian Bileam, anakna Beor, lako, sia apa dadi randuk dio mai Sitim sae lako Gilgal, kumua mukanassai tu katongananNa PUANG.

KADIBILANGAN 25:1

Iatonna torromo tu to Israel dio Sitim, naparandukmi ma’gau’ sala sola baine to Moab.

MARKUS 1:35

Iatonna dannari malillin bangsiapa, millikmi Nasun male lako to’ kasalanna nadio Nanii massambayang.

YOSUA 2:1

Nasua bunimi Yosua, anakna Nun, dio mai Sitim tu da’dua to ma’serre’i, nakua: Malekomi untiroi tu padang iato sia iatu Yerikho. Malemi tu tau iato, anna tama banuanna misa’ baine kadake gau’, disanga Rahab, nama’bongi dio.

YOSUA 6:12

Millik kale’mi tu Yosua tonna melambi’, naangka’i to minaa tu pattinNa PUANG.

YOSUA 6:15

Apa iatonna allo ma’pempitu millik kale’mi tu tau iato mai, tonna berre’ allo, anna male ullilingi kota iato susito mangkannamo; apa ia manna to allo iato namale tu tau iato mai ullilingi kota pempitu.

YOSUA 7:16

Iatonna tibangka’mo masiang nasuami Yosua tu to Israel sae mennolo situru’ sukunna, na suku Yehuda nakanna.

YOSUA 8:10

Iatonna tibangka’mo masiang naparessami Yosua tu surodadu, anna male ullaoi to Ai undoloan mintu’ to buda la ia la mintu’ pekaamberan to Israel.

TO PARENGNGE’ 20:19

Ke’de’mi tu mintu’ to Israel tonna melambi’, anna ma’tenda sitingoan Gibea.

1 SAMUEL 17:20

Melambi’ dio mai milikmi tu Daud natampeanni to mangkambi’ tu mintu’ domba, naalai tu apa iato mai, namale susitu napasan Isai lako kalena. Rampomi lako to’ tenda dikampai tonna tassu’ tu surodadu la ma’pampangan sia unnarrak-arrak la parari.