YOSUA 23:3 - Sura' Madatu

³ Iate aku matuamo’ sia matessekmo’. Mitiro kalenamo tu mintu’ apa Napogau’ PUANG, Kapenombammi, lako te mintu’ bangsa iate, tu belanna kamu. Belanna PUANG, Kapenombammi kalena untunduikomi parari.

YOSUA 23:3 ပူးပေါင်းရင်းမြစ်များ

KATASSURAN 14:14

PUANG duka iatu la parari ussondakomi, na iatu kamu la ma’pakappa bangkomi.

KATASSURAN 19:4

Mitiromo tu apa Kupogau’ lako to Mesir, umba Kukua urrande pala’komi susi dao pani’ langkan maega, angKu pasaekomi lako Kaleku.

YEHEZKIEL 20:28

Iatongku solanni tama tondok tu mangkaMo’ umpalao sumpa la Kukamaseanni, natiromi tu mintu’ tanete malangka’ sia mintu’ kayu maloboran, na inde to dio nanii umpemalaranni tu pemala’na, sia nanii umpennoloanni tu pamenganna, tu umpabu’tu pa’di’ penaa, sia untunu dupa busarungngu’ sia umboloanni tu pemala’ pantedok.

MALEAKHI 1:5

Iake natiroi matammi tu iannato, la ma’kadakomi mikua: Pasareongan tu PUANG, moi nadio duka lu salianna lili’na Israel.

PA’TOLE 1:30

Iatu PUANG, Kapenombammi, tu undoloangkomi, Ia la umparariangkomi situru’ tu mintu’ apa mangka Napogaurangkomi dio pentiromi lan Mesir,

PA’TOLE 20:4

belanna iatu PUANG, Kapenombammi den ussisolangkomi la umparariangkomi ullaoi ualimmi, kumua Nabenkomi kapataloan.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

PA’TOLE 7:17

Iake lanni penaammu mukua: Iate bangsa marapuan na aku, umba la kukua unnula’i lan mai tondokna,

PA’TOLE 7:24

Iatu mai datunna la Nasorong tama kuasammu, muurungan umpa’dei tu sanganna lan mai nasambo langi’. Moi misa’ tau tang naatta unneako sae lako musanggangi nasang.

YOSUA 10:14

Tae’ bangpa ia allo susito la dolona la undinna, tu Nanii PUANG umpalaloi tu palakunna misa’ to lino, belanna PUANG untundui tu to Israel parari.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

YOSUA 23:10

Misa’komi tu mangka unnula’ tau sangsa’bu, belanna PUANG, Kapenombammi, Ia kalena untunduikomi parari, susitu Naallu’ lako kalemi.