YOSUA 22:8 - Sura' Madatu

⁸ den dukapa kadanna lako, nakua: Sulemokomi lako to’ tendami umbaa ianan buda sia sapi, domba, bembe’ lendu’ budanna sia salaka, bulaan, tambaga, bassi sia pakean lendu’ budanna. La mitaa-taa sola mintu’ siulu’mi tu mintu’ pangrampa dio mai ualimmi.

YOSUA 22:8 ပူးပေါင်းရင်းမြစ်များ

1 OSSORANNA DATU 5:9

sia dio rampe matallo nanii ma’tondok siundu’ biringna padang pangallaran, tu randuk dio mai salu Efrat; belanna iatu patuoanna samemba’ka’-ba’ka’na dio lu padang Gilead.

2 OSSORANNA DATU 17:5

Napamanda’mi PUANG tu kuasa kadatuan lan limanna Yosafat, na iatu mintu’ to Yehuda pada sae umpennoloan pamengan lako Yosafat, naurunganni sugi’ lallang sia mala’bi’ tongan.

2 OSSORANNA DATU 32:27

Iatu Hizkia sugi’ lallang sia mala’bi’ tongan; nagaragammi kalena tu ba’tu pira-pira bilik pangnannan la dipannii salaka, bulaan, parimata mellong, pebangki’, balulang sia ma’rupa-rupa pareanan keangga’,

PA’PUDIAN 68:12

Ma’pau tang sala-sala tu Puang; na mintu’ baine umpa’peissanan kareba melo, sae ma’baanan.

SARAMBU PEADA’ 3:16

Dio lima kananna nanii tu kamalamberan sunga’, dio lima kairinna nanii kasugiran sia kamala’biran.

KADIBILANGAN 31:27

sia la mitaa dua tu pangrampa, sangtaan lako to sitangke pa’buno, tu to lao parari, sia sangtaan lako mintu’ kasirampunan.

1 KORINTUS 15:58

Iamoto, e kamu siulu’ pa’kaboro’ku, batta’komi da naleluk penaammi, sia bassa’komi umpengkali-kalii mengkarang lan pengkaranganNa Puang, belanna miissan kumua iatu kamara’tasammi tae’ nala torro sala lan Puang.

IBRANI 11:26

belanna iatu kaditelleanNa Kristus nasanga la’bi kapua ia angga’na na iatu mintu’ ianan dio Mesir, belanna mentiro lu lako ia rongko’.

1 SAMUEL 30:16

Nasolammi rokko. Sangtiamparammi tu tau iato mai dio padang iato marasan kumande sia mangiru’ sia ma’marua’-rua’ belanna mintu’ pangrampa kapua tu narampa dio mai tondok to Filistin sia tondok to Yehuda.

1 SAMUEL 30:24

Mindara la unturu’i tu kadammi lan kara-kara iate? Sangadinna susi taana to male parari, susi duka taana to torro ungkampai parea; la nataa pada tau iato mai.