YOSUA 22:5 - Sura' Madatu

⁵ Ia manna la mikaritutui tongan tu pepasan sia Sukaran aluk, tu napasan Musa, taunNa PUANG, lako kalemi, kumua la mikamali’ tu PUANG, Kapenombammi, la mituru’ tu mintu’ bate lalanNa, sia la mikaritutui tu mintu’ pepasanNa, sia la la’ka’komi lako Puang, sia la ponno penaammi sia deatammi umpengkaolai.

YOSUA 22:5 ပူးပေါင်းရင်းမြစ်များ

PA’PUDIAN 106:3

Maupa’ tu mintu’ to ungkaritutui katonganan, sia tontong umpogau’ malolo.

PA’PUDIAN 78:7

Anna umposande’ Puang Matua sola nasangi, sia da nakalupai tu mintu’ penggauranNa Puang Matua, sangadinna la nakaritutui tu mintu’ pepasanNa.

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

KATASSURAN 20:6

apa umpa’pekitananNa’ kamasokanangKu lako massa’bu’-sa’bu tu to ungkamali’Na’ sia ungkaritutui mintu’ pepasanKu.

KATASSURAN 23:13

Iatu mintu’ apa Kupokada lako kalemi la mikanana’i; iamotu tae’ muma’din la ussa’bu’ sanga deata senga’, da natassu’ len dio pudukmu to.

KATASSURAN 23:25

La menombakomi lako PUANG, Kapenombammi na Ia la umpasikambi’i kamasakkean tu kandemu sia uaimmu, sia mintu’ saki la Kupatoyang dio mai kalemu.

SARAMBU PEADA’ 4:23

Karitutui tu penaammu losong na mintu’ apa sipatu dikaritutui, belanna lan mai nanii bu’tu tu kalimbuang katuoan.

YESAYA 55:2

Ma’apai ammi palaoi doi’ tu tangia kande sia polean ra’ta’mi tu tang mepedia’ina? Perangii meloNa’, ammi kandei tu apa maelo, sia anna pasende kalena tu deatammi situang kaseboan.

YEREMIA 12:16

Sia iake birisanni tu tau iato mai umpopa’biasa kalena unnola lalanna taungKu, naurunganni umpalao sumpa tete dio sangangKu, kumua: La lelukraka tuoNa PUANG! susi dolona tu tau iato mai unnada’i taungKu umpalao sumpa tete dio Baal, manassa iake susito, la dipasangbilangan duka taungKu.

MATIUS 22:37

Nakuami Yesu lako: La ponno penaammu sia mintu’ tangnga’mu sae lako deatammu la ungkamali’ Puang Kapenombammu.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

LUKAS 1:74

iake lessu’miki’ dio mai mintu’ ualinta, tae’mo tala mataku’ mengkaorong lako alukNa;

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

YOHANES 14:15

Iake mikamali’Na’, la mikaritutui tu mintu’ parentaKu.

PENGGAURANNA RASULU’ 11:23

Iatonna rampomo, natiroi tu pa’kamaseanNa Puang Matua, parannumi, anna pakilalai tu tau mintu’, kumua anna tontong maruru’ lako Puang susitu diongnamo penaanna.

PENGGAURANNA RASULU’ 27:23

Belanna sangmai’ bongi den malaeka’Na Puang Matua, tu Puang kupopuang sia kupenombai, ke’de’ dio sa’deku,

ROMA 1:9

Na Puang Matuamora tu Kupenombai lan penaangku umpa’peissanan Kareba-kaparannuanNa AnakNa, ungkatottongina’, tumba makaritutungku umpalan ara’komi,

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

PA’TOLE 11:1

La mukamali’ tu PUANG, Kapenombammu, sia lan mintu’ allo la mukaritutui tu apa Napapassanangko sia iatu aluk Napondok sia atoranNa sia iatu pepasanNa.

PA’TOLE 11:13

Iake miperangii tonganni tu pepasan, tu kupapassanangkomi totemo, miurungan ungkamali’i tu PUANG, Kapenombammi, sia ponno penaammi sia kalebu deatammi umpengkaolai:

PA’TOLE 11:22

Belanna iake mikaritutui tonganni te mintu’ pepasan, tu kupapassanangkomi totemo, sia ungkamali’komi PUANG, Kapenombammi, sia mituru’ tu mintu’ lalanNa sia la’ka’komi lako,

PA’TOLE 13:4

La mituru’ tu PUANG, Kapenombammi, sia mikataku’, sia la mikaritutui tu pepasanNa sia la miperangii tu kadanNa, iamotu la mipenombai sia la’ka’komi lako.

PA’TOLE 4:29

Ammu daka’i dio tu PUANG, Kapenombammi, ammu kabu’tui, ke kalebu tonganni penaammu sia deatammu male undaka’I.

PA’TOLE 4:4

Apa iatu kamu, tu maruru’pa lako PUANG, Kapenombammi, tuopa sola nasang sae lako allo iate.

PA’TOLE 4:6

Karitutui tonganni, belanna iamo garonto’ kakinaammi sia patiro penaammi dio pentirona mintu’ bangsa, tu la ma’kada, ke narangii tu mintu’na te aluk dipondok, nakua: Tonganna te bangsa kapua iate iamoto sangpetayanan kinaa unnampui tangnga’ melo.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

PA’TOLE 5:10

apa umpa’pekitananNa’ kamasokanangKu lako massa’bu-sa’bu tu to ungkamali’Na’ sia ungkaritutui mintu’ pepasanKu.

PA’TOLE 6:17

La mikaritutui tongan tu pepasanNa PUANG, Kapenombammi, sia mintu’ tu apa Napamanassa sia aluk Napondok, tu mangka Napapassanangko.

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

YOSUA 23:8

Sangadinna la la’ka’komi lako PUANG, Kapenombammi, – susi penggaurammi sae lako allo iate –.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

1 SAMUEL 12:20

Ma’kadami tu Samuel lako to buda, nakua: Da mimataku’; moi ammi pogau’mi te mintu’ kakadakean iate, apa totemo damo mimemboko’ dio mai PUANG, sangadinna la kalebu tu penaammi mengkaola lako PUANG.

1 SAMUEL 12:24

PUANG manna tu la mikataku’ sia mipengkaolai situang kamarurusan sia penaa kalebummi, belanna tiromi tumbai kapuana tu apa Napogau’ lako kalemi.

1 SAMUEL 7:3

Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.