YOSUA 2:9 - Sura' Madatu

⁹ anna ma’kada lako nakua: Kuissanmo kumua iate tondok iate Nasorongmo PUANG lako kalemi sia iatu kadikatakurammi narampoimokanni sia mintu’ tau lan tondok ma’parondomo ungkataku’komi.

YOSUA 2:9 ပူးပေါင်းရင်းမြစ်များ

KADADIAN 35:5

Ke’de’mi tu tau iato mai, anna parampoi kamatakuran Puang Matua tu tondok naolai, natae’ pole naula’i tu mai anakna Yakub.

2 SAMUEL 17:10

Attu iato moi to barani, tu ma’penaa singa, manassa la raang penaanna, belanna natandai mintu’ to Israel, kumua iatu ambe’mi misa’ to lalong sia barani nasang tu mintu’ to nasolan.

2 DATU 5:15

Mangkato sulemi lako taunNa Puang Matua la ia la mintu’ to unturu’i. Iatonna rampomo, bendanmi dio tingayona sia ma’kada nakua: Tonganna, totemo kutandaimo, kumua lan mintu’ lino tae’ Puang Matua sangadinna dio manna lu bangsa Israel. Tarimami te pa’kamasean dio mai taummi.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

NEHEMIA 6:16

Iatonna rangimi ualingki tu iannato, mataku’mi tu mintu’ bangsa untikuikan sia rosso penaanna, anna mangaku kumua iate pengkarangan iate dikarang tete dio pa’tunduanNa Kapenombanta.

ESTER 8:17

Sia dio duka lu mintu’ propinsi sia kota, umba-umba nii iatu kada sia atoranna datu rampomo, denmi tu kaparannuan sia kasendean sia pa’maruasan sia allo kapua dio lu to Yahudi sia buda tu mai bangsa lan tondok tamamo sangbilangan to Yahudi, belanna narampoimo kamatakuran ungkataku’ to Yahudi.

AYUB 19:25

Apa kutandai, kumua iatu To mangla’bakku tuo, anNa ma’katampakanna la bendan dao to’ barra’-barra’.

PA’PUDIAN 112:10

Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 115:16

Iatu langi’ langi’na PUANG, apa iate lino Naba’giammo ma’rupa tau.

KATASSURAN 18:11

Totemo kuissanmo kumua tarompo’ tu PUANG anna iatu mintu’ deata, belanna Narampanammo te bangsa iate lan mai limanna to Mesir belanna matampo tu to Mesir lako tau iato mai.

KATASSURAN 23:27

Iatu kama’parondoan lako Keleku la Kusua undoloangko sia Aku la umpamarambai tu bangsa murampoi, sia iatu mintu’ ualimmu la Kurambai dio mai olomu.

TOMANGADA’ 8:12

Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

YESAYA 23:5

Iake rampoi lako Mesir te kareba, la ma’parondo tu tau urrangii tu kareba diona Tirus.

YEREMIA 27:5

Akumo tu mangka umpadadi lino sia mintu’ tolino sia olo’-olo’ dao kuli’na padang tete dio kamatotoran kapuaKu sia takia’ tiangka’Ku, la Kupa’kamasean lako minda-minda tu naala penaangKu.

NAHUM 2:10

Mangsan, lo’bang, sanggang! pussak tu penaa, sia ma’parondo-rondomo tu mintu’ guntu’; iatu mintu’ aak sipa’dikan sia mintu’ lindo pa’de rupanna.

KADIBILANGAN 20:14

Mangkato nasuami Musa tu sumbungan puduk dio mai Kadesh lako datu Edom, umparampoi kumua: Inde sia tu kadanna siulu’mi Israel, kumua: Mitandai tu mintu’ kamasussan urrampoikan,

KADIBILANGAN 20:24

Iatu Harun la sisarak angin dipudukna sule lako nene’ to dolona, belanna tae’ na la tama tondok, tu Kukamasean to Israel, belanna mibali sola duakomi tu parentaKu dio to’ uainna Meriba.

MATIUS 20:15

Tang sipatura’ka la ma’inaanna kalena umpamalei tu apangku? Ba’tu musuru mataraka, tu belanna aku te masokanna’?

PA’TOLE 11:25

Moi misa’ tau tae’ unnattai unneakomi; iatu PUANG, Kapenombammi, la umparampoi katirambanan sia kamatakuran tu mintu’ tondok milese, susitu mangka Naallu’ lako kalemi.

PA’TOLE 2:25

Allo iate Kuparandukki umparampoi katirambanan sia kamatakuran tu mintu’ bangsa nasambo langi’, anna kataku’komi, naurungan ma’parondo sia ma’pagu’gu’ ungkataku’komi, ke narangimi tu kareba diona kamu.

PA’TOLE 28:10

Iake susito iatu mintu’ bangsa dao kuli’na padang la untiroi, kumua disa’burammoko tu sanganNa PUANG, anna mataku’ tu tau iato lako kalemu.

PA’TOLE 32:8

Iatonna paketaami Puang Patodoranna tu taa mana’na lako mintu’ bangsa, iatonna Pasisarakmi Puang tu ma’rupa tau, Napamanassami Puang tu anggenna bangsa iato, unturu’ bilanganna bati’na Israel.

IBRANI 11:31

Bannang dio dukamora kapatonganan, anna tae’ naruai kasanggangan tu Rahab baine kadake gau’, sola mintu’ to battuk, belanna untarima marampa’ to ullio-lio tondok.

YOSUA 2:11

Iatongki rangi nasangi to, raangmi tu penaangki, sia moi misa’kan tae’mo tang pa’de deata napobua’ kamatakurangki lako kalemi, belanna iatu PUANG, Kapenombammi, iamo Kapenomban lan langi’ dao sia diong kuli’na padang.

YOSUA 2:24

Ma’kadami lako Yosua, nakua: Tonganna Nasorongmo PUANG te mintu’ tondok iate tama limanta, belanna ma’parondomo tu mintu’ to lan tondok iato ungkataku’ki’.

YOSUA 2:8

Iatonna tae’pa namamma’ sola duai, kendekmi tu baine iato langngan bubungan, tu nanii tau iato,

YOSUA 5:1

Iatonna rangimi mintu’ datu to Amori, tu dio rampe matampu’na Yordan sia mintu’ datu to Kanaan dio randan tasik, kumua Napamarangke PUANG tu uai Yordan dio tingayona to Israel sae lako tappunna lamban tu tau iato mai, raangmi penaanna sia pa’de deata, belanna mataku’ lako to Israel.

YOSUA 6:2

Ma’kadami tu PUANG lako Yosua, Nakua: Manassa la Kusorong tama limammu tu Yerikho sola datunna sia mintu’ pa’barani lalongna.

YOSUA 9:10

sia iatu mintu’ apa mangka Napogau’ lako da’dua datu Amori rampe lianna Yordan, iamotu Sihon, datu Hesbon sia Og, datu Basan, tu dio Astarot.

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.

YOSUA 9:9

Mebalimi tu tau iato nakua: Iate taummi sae dio mai tondok tarru’ mambela belanna sanganNa PUANG, Kapenombammi, belanna kirangimo tu karebanNa, iamotu mintu’ Napogau’na dio Mesir,

TO PARENGNGE’ 7:14

Mebalimi tu solana, nakua: Tae’ senga’na sangadinna pa’dangna Gideon, anakna Yoas, to Israel; Nasorongmo Puang Matua tu to Midian sola mintu’ to’ tenda surodadu tama limanna.