YOSUA 2:6 - Sura' Madatu

⁶ Apa nasuamo tinde baine tu tau iato sola duai kendek langngan bubungan banuanna, nabunii diong to’ dalame rami, tu naampa’ dao bubungan banua.

YOSUA 2:6 ပူးပေါင်းရင်းမြစ်များ

2 SAMUEL 11:2

Den pissan tonna la makaroenmo millikmi tu Daud diong mai katindoanna, anna sumalong-malong dao bubungan tongkonan layukna; ta’kala natiromi dao mai bubungan iato tu misa’ baine marassan mendio’; iatu baine iato lendu’ ia melona pantarisanna.

2 SAMUEL 17:19

Naalami baine iato tu sampin, naballa’i dao tu baba bubun, naambo’i ono gandung, naurungan moi sidi’ tae’ kakitanan.

1 DATU 18:13

Tae’raka midipokadan tu apa mangka kupogau’ tonna patei nasangi Izebel tu nabinNa PUANG? Attu iato kubuni tu saratu’ nabinNa PUANG, limangpulo ke simisa’oi lo’ko’ sia kuparakai kuben roti sola uai.

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

2 DATU 11:2

Apa iatu Yoseba, anakna baine datu Yoram, anak daranna Ahazia, male unnalai tu Yoas, anakna muane Ahazia, nabaa bunii sola to mantaranakna dio mai mintu’ anakna muane datu tu dipongko, anna patamai bilik dinii manganna inan kamammaran. Nabunian Atalya, naurungan tae’ nadipatei.

KATASSURAN 2:2

Ma’tambukmi tu baine iato anna dadian pia muane. Iatonna tiroi kumua melo rupanna, nabunimi tallung bulan.

YEREMIA 36:26

Mangkato nasuami datu tu Yerahmeel, anak arung, sia Seraya, anakna Azriel, sia Selemya, anakna Abdeel, untingkan Barukh, to massura’ sia nabi Yeremia, apa Nabunimo PUANG sola duai.

MATIUS 24:17

sia iatu to dao bubungan banua, da namengkalao rokko sia unnala apanna lan mai,

PA’TOLE 22:8

Iake umbangunko misa’ banua ba’ru, la murompo tu soto banuammu, da muparampoi to’doan rara tu banuammu, ke denni misa’ tau tobang dao mai.

KOLOSE 3:3

Belanna mangkamokomi mate, na iatu katuoammi mellindung sola Kristus lan Puang Matua.

IBRANI 11:23

Bannang dio dukamora kapatonganan anna iatu Musa tonna dadimo, nabunimi indo’ ambe’na tallung bulan, belanna natiro kumua iatu pia’-pia’ me’lok rupanna, tae’mi anna kataku’i tu parentana datu.

YAKOBUS 2:25

Tang susi dukaraka tu Rahab, baine kadake gau’, dibilang malolo, belanna penggauranna tonna tarimai sia tonna patassu’i tu to dipolentek maringan unnola lalan senga’?

YOSUA 2:5

Apa iatonna mabongi sia la disalli’mo tu babangan, tassu’mi tu tau iato, tae’ kuissan naolainna. Melo ke miula’i madoi’, manassa milambi’pa.

YOSUA 2:7

Malemi tu tau unnula’i tu tau iato ma’palulako Yordan sae lako to’ kalambanan. Iatonna tassu’mo tu to unnula’i, nasalli’mi tau tu babangan.

YOSUA 2:8

Iatonna tae’pa namamma’ sola duai, kendekmi tu baine iato langngan bubungan, tu nanii tau iato,

YOSUA 6:25

Susimoto tu Yosua umpatuo Rahab, tu baine bualang, sia sangdadianna sia mintu’ to lan banuanna; torromi dio lu mintu’ to Israel sae lako allo iate, belanna nabuni tu to disua da’dua, tu nasua Yosua male usserre’i Yerikho.