YOSUA 2:4 - Sura' Madatu

⁴ Apa mangkamo nasolan baine iato tinde muane da’dua, anna bunii. Ma’kadami nakua: Tonganna iatu tau iato sae lako kaleku, apa tae’ kutandai ba’tu umba nanii sae.

YOSUA 2:4 ပူးပေါင်းရင်းမြစ်များ

2 DATU 6:19

Nakuami tu Elisa lako tau iato mai: Tangia lalan te sia tangia kota angku solangkomi lako tu to midaka’. Nasolammi tu tau iato mai lako Samaria.

KATASSURAN 1:19

Ma’kadami tu to ma’pakianak lako Firaun, nakua: Iatu baine Ibrani tae’ nasusi baine Mesir, matoto’ ia tu tau iato mai; tae’pa narampo lako tu to ma’pakianak na inang kianakmo.

YAKOBUS 2:25

Tang susi dukaraka tu Rahab, baine kadake gau’, dibilang malolo, belanna penggauranna tonna tarimai sia tonna patassu’i tu to dipolentek maringan unnola lalan senga’?

YOSUA 2:3

Nasuami datu Yerikho tu tau male umpokadanni Rahab, nakua: Sorongi tu to sae lako kalemu, tu tama banuammu, belanna sae la usserre’i te mintu’ tondok.

YOSUA 2:5

Apa iatonna mabongi sia la disalli’mo tu babangan, tassu’mi tu tau iato, tae’ kuissan naolainna. Melo ke miula’i madoi’, manassa milambi’pa.

YOSUA 6:17

Apa iate kota iate sola mintu’ tu apa lan la disabu’i belanna dipemalian PUANG; sangadinna Rahab, tu baine bualang la dipatuo, la ia la mintu’ tau nasolan la banuanna, belanna nabuni tu pesua mangka tasua.

YOSUA 6:25

Susimoto tu Yosua umpatuo Rahab, tu baine bualang, sia sangdadianna sia mintu’ to lan banuanna; torromi dio lu mintu’ to Israel sae lako allo iate, belanna nabuni tu to disua da’dua, tu nasua Yosua male usserre’i Yerikho.