YOSUA 2:3 - Sura' Madatu

³ Nasuami datu Yerikho tu tau male umpokadanni Rahab, nakua: Sorongi tu to sae lako kalemu, tu tama banuammu, belanna sae la usserre’i te mintu’ tondok.

YOSUA 2:3 ပူးပေါင်းရင်းမြစ်များ

KADADIAN 38:24

Denmi agi-agi tallung bulan to, napokadami tau lako Yehuda nakua: Iatu Tamar, minintummu ma’gau’ salamo sia kia’tang bule’mo. Nakuami tu Yehuda: Solanni sae naditambenan kayu buangin.

KADADIAN 42:31

Apa kikua ma’kada lako: To malambu’kan kami, tangiakan to masserre’i.

2 SAMUEL 10:3

Ma’kadami tu mintu’ arungna to Amon lako Hanun, puangna, nakua: Tongannaraka tu Daud umpakala’bi’ ambe’mi dio olomi, diona kaussuanna ba’tu pira-pira pa’pakatana mennolo lako kalemi? Tangiaraka bannangna te nanii Daud ussua taunna mennolo lako kalemi, la umparessai torroanna te tondok sia la usserre’i anna sanggangi?

2 SAMUEL 17:20

Saemi tu tauna Absalom lako baine iato lan banuanna, anna ma’kada nakua: Umbara nii tu Ahimaas sola Yonatan? Mebalimi tu baine iato lako tau iato mai, nakua: Ullambannimo salu sola duai. Malemi tu tau iato mai undaka’i, apa iatonna tae’mo naappa’i, sulemi lako Yerusalem.

1 OSSORANNA DATU 19:3

ma’kadami tu mintu’ arungna to Amon lako Hanun, nakua: Misangaraka tonganna tu Daud umpakala’bi’ ambe’mi dio olomi, belanna ussua ba’tu pira-pira to ma’pakatana mennolo lako kalemi? Manassa iatu tau iatu mati’ sae la umparessai a’ganna te tondok sia la ussanggangi; iamo bannangnato nasae tu taunna lako kalemi la usserre’i te tondok iate.

AYUB 21:30

kumua iatu to kadake dikarimmanni ke allo kasanggangan, sia disolan marampa’ ke allo kare’dekan ara’Na Puang Matua?

SURA’ KATOMINAAN 24:14

Baai tu tau ma’tampak ropu lako salian to’ tenda, anna mintu’ tu to urrangimi urremme’i lima tu ulunna, na iatu mintu’ kasirampunan ussileba’i batu.

YOHANES 19:4

Sun pole’omi tu Pilatus sia nakua lako tau iato mai: Tiromi, kubaamo sun lako kalemi, ammi issanni kumua moi misa’ tae’ kuappa’ tu salaNa.

PENGGAURANNA RASULU’ 12:4

Iatonna tingkanni, napatamami pa’tarungkuan sia nasorong lako sangpulo annan surodadu ungkampai sisonda sia’pa’-a’pa’, nasanga la napopennolo lako to buda ke lendu’i pa’gauran Pasa.

PENGGAURANNA RASULU’ 12:6

Iatonna la umpennoloi Herodes, ia bangsimo to bongi iato, marassanmo tu Petrus mamma’, napetangnga da’dua surodadu, dirante bassi da’dua sia den ba’tu pira-pira to ma’ronda’na dio to’ ba’ba ungkampai tu pa’tarungkuan,

YOSUA 10:23

Napogau’mi tau susito, napatassu’i tu datu lima lan mai lo’ko’, nasolanni lako kalena, iamo tu datu Yerusalem, datu Hebron, datu Yarmut, datu Lakhis na datu Eglon.

YOSUA 2:2

Naparampomi tau lako datu Yerikho nakua: Manassa bongi iate den tau sae dio mai to Israel la usserre’i te tondok.

YOSUA 2:4

Apa mangkamo nasolan baine iato tinde muane da’dua, anna bunii. Ma’kadami nakua: Tonganna iatu tau iato sae lako kaleku, apa tae’ kutandai ba’tu umba nanii sae.

TO PARENGNGE’ 4:20

Ma’kadami Sisera lako, nakua: Bendanko dio ba’ba tenda na iake den tau sae ungkutanaiko kumua: Denraka tau inde, la mukua mebali: Tae’ tau inde.