YOSUA 2:2 - Sura' Madatu

² Naparampomi tau lako datu Yerikho nakua: Manassa bongi iate den tau sae dio mai to Israel la usserre’i te tondok.

YOSUA 2:2 ပူးပေါင်းရင်းမြစ်များ

PA’PUDIAN 127:1

Nanian Hamaa’lot. Pa’pudianna Salomo. Iake tae’i anNa PUANG umbangunni tu banua. Manassa tae’ gai’na tu kabo’yoranna pande; sia iake tae’i anNa PUANG ungkampai tu kota, manassa tae’ gai’na tu kamaroyanna to ma’kampa.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YESAYA 43:13

Iake undinna Aku duka tu Puang Matua sia moi misa’ tau tae’ la urrampananni lan mai lisu pala’Ku. Iake Kupogau’i, mindara ma’din undampai?

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

YOSUA 2:1

Nasua bunimi Yosua, anakna Nun, dio mai Sitim tu da’dua to ma’serre’i, nakua: Malekomi untiroi tu padang iato sia iatu Yerikho. Malemi tu tau iato, anna tama banuanna misa’ baine kadake gau’, disanga Rahab, nama’bongi dio.

YOSUA 2:3

Nasuami datu Yerikho tu tau male umpokadanni Rahab, nakua: Sorongi tu to sae lako kalemu, tu tama banuammu, belanna sae la usserre’i te mintu’ tondok.

TO PARENGNGE’ 18:2

Iamoto nasuami to Dan tu lima muane dio mai mintu’ pa’rapuanna, iamotu to barani dio mai Zora sia Estaol la usserre’i sia umparessai tu tondok. Ma’kadami nakua: Malekomi umparessai tu tondok. Tonna rampomo lako buntunna Efraim dio banuanna Mikha torromi ma’bongi dio.