YOSUA 2:18 - Sura' Madatu

¹⁸ iake tamakanni te tondok iate, manassa iate ulang bannang karamisi dikaridi’ la mupemporian dao pentiroan tu munii urrorro’kanni, ammu pasirampunni tu indo’mu sia ambe’mu sia siulu’mu muane sia baine sia mintu’ sangdadiammu lan banuammu.

YOSUA 2:18 ပူးပေါင်းရင်းမြစ်များ

KADADIAN 12:2

AngKu popendadiko misa’ bangsa kapua sia angKu parongko’ko angKu pa kaleleanni tu sangammu; la dadiko misa’ karongkosan.

KADADIAN 7:1

Undinnato ma’kadami PUANG lako Nuh Nakua: Tamamoko lembang sola mintu’ to lan banuammu, belanna ikomo tu Kutiro malambu’ dio oloKu tu mintu’na tau attu iate.

ESTER 8:6

Belanna umbara la kukua ungkullei la untiroi tu kamandasan urrampoi bangsaku sia umbara dikka’ la kukua ungkullei la untiroi tu kasangganganna mintu’ pa’rapuangku?

KATASSURAN 12:13

Iatu rara iamo la dadi misa’ tanda lako kalemi dio lu banua minii; iangKu tiromi tu rara iato la Kulendu’imokomi, naurungan tae’ kamandasan mesanggangan dio lu kalemi, ke Kupata’paimi lima tu tondok Mesir.

PA’TENDENG BALLO 4:3

Iatu pudukmu susito bannang karamisi sia melo rarek sadangmu. Iatu pili’mu susito bua dalima dipiak, tu payan ullendu’i bobongmu.

SURA’ KATOMINAAN 14:4

la napesuan to minaa unnala da’dua manuk-manuk masero sia kayu arasi’, bannang karamisi sia supa.

KADIBILANGAN 19:6

Sia la naala to minaa tu kayu arasi’, supa sia bannang karamisi, napembuanganni dao tangngana sapi birang tu nakande api.

KADIBILANGAN 4:8

Mangkato namane unnampa’i sampin karamisi, sia nasamboi kuli’ taka’, sia napalakoi kayu pebulle.

LUKAS 19:9

Nakuami Yesu lako: Ia duka bangsiamote allo iate narampoi kamakarimmanan te banua iate, belanna iate anakna duka Abraham;

PENGGAURANNA RASULU’ 10:27

Malemi tama sipa’kada-kada, nakarampoi inang budamo tau sirampun.

PENGGAURANNA RASULU’ 10:33

Iamoto kusua tu tau untambaikomi; kurre sumanga’na misaemo. Iamoto angki dio nasang ren indete totemo dio oloNa Puang Matua la umperangii tu mintu’ apa Napepasanan Puang lako kalemi.

PENGGAURANNA RASULU’ 11:14

ia la umpokadangko tu kada la mupomakarimman sola to mukurinni.

2 TIMOTIUS 1:16

Anna Puangmora umpa’kamasean kamamasean lako to lan banuanna Onesiforus, belanna ba’tu pempiran-pirammo umpakatana penaangku, sia tae’ napomasiri’i tu rante bassingku,

IBRANI 9:19

Belanna iatonna mangkamo tu Musa umpokada nasangi tu pepasan iato lako mintu’ tau iato situru’ tu lanna Sukaran aluk, naalami tu rara anak tedong sia rara bembe’ laki, sola uai sia bannang bulu domba mararang, sia supa, anna pi’pikki tu sura’ sia to buda;

YOSUA 2:21

Ma’kadami tu baine iato, nakua: Susimo tu mipokadanna. Naelorammi male sola duai; anna iatu ulang karamisi napemporian dio to’ pentiroan.

YOSUA 6:23

Malemi tu to mangura ma’serre’i sola duai tama, anna patassu’i tu Rahab sola indo’ ambe’na, mintu’ siulu’na sia mintu’ to lan banuanna – ondongpi mintu’ sangdadianna napatassu’ nasang; anna patiroanni misa’ inan dio salianna to’ tenda to Israel.

YOSUA 6:25

Susimoto tu Yosua umpatuo Rahab, tu baine bualang, sia sangdadianna sia mintu’ to lan banuanna; torromi dio lu mintu’ to Israel sae lako allo iate, belanna nabuni tu to disua da’dua, tu nasua Yosua male usserre’i Yerikho.