YOSUA 2:12 - Sura' Madatu

¹² Totemo umpalaokomi sumpa unnallu’i lako kaleku tete dio PUANG, kumua belanna kupogau’mo tu kameloan lako kalemi, la mipogau’ dukamo tu kameloan lako sangdadiangku; sia la mibenna’ misa’ tanda manassa,

YOSUA 2:12 ပူးပေါင်းရင်းမြစ်များ

KADADIAN 21:23

Iamoto menggatakomi totemo lako kaleku ussa’bu’ sanganNa Puang Matua kumua tae’ ammi la ungkadakean lenna’ penaa, ba’tu bati’ku, ba’tu rapungku, sangadinna la mipogau’ lako kaleku sia lako tondok minii mempue lan, tu sitinayanna kameloan mangka kupogau’ lako kalemi.

KADADIAN 24:3

Angku popenggatako ussa’bu’ PUANG Kapenombanna langi’ sola lino, kumua da mualanni anakku la napobaine tu misa’ baine dio mintu’ anak to Kanaan, tu kunii duka torro.

KADADIAN 24:9

Napadiongmi to’ garonto’ pupunna Abraham tu limanna tinde rurananna, anna menggata tu iannato.

KADADIAN 40:14

Apa kilalai siana’, ke torro melomokomi, katuru-turuina’ sia pokada melona’ lako Firaun, ammi patassu’na’ lan mai te banua pa’pattangan.

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

ESTER 8:6

Belanna umbara la kukua ungkullei la untiroi tu kamandasan urrampoi bangsaku sia umbara dikka’ la kukua ungkullei la untiroi tu kasangganganna mintu’ pa’rapuangku?

KATASSURAN 12:13

Iatu rara iamo la dadi misa’ tanda lako kalemi dio lu banua minii; iangKu tiromi tu rara iato la Kulendu’imokomi, naurungan tae’ kamandasan mesanggangan dio lu kalemi, ke Kupata’paimi lima tu tondok Mesir.

YEREMIA 12:16

Sia iake birisanni tu tau iato mai umpopa’biasa kalena unnola lalanna taungKu, naurunganni umpalao sumpa tete dio sangangKu, kumua: La lelukraka tuoNa PUANG! susi dolona tu tau iato mai unnada’i taungKu umpalao sumpa tete dio Baal, manassa iake susito, la dipasangbilangan duka taungKu.

MARKUS 14:44

Iatu to la umpa’peturoan Yesu inang mangkamo napokadan tanda tinde tau, nakua: Minda-minda tu kuudung, Iamoto; tingkanNi ammi matangkin male umbaai.

ROMA 1:31

tang keinaa, ussalai lampa kada, tang mamase, tang maturu-turu.

1 TIMOTIUS 5:8

Apa iake den tau tang ungkaritutui sangdadianna, ontongrika to lan banuanna, iamo umpeongannimo kapatonganan to, sia ondong ia kadakena, na to tang ma’patongan.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

YOSUA 2:13

kumua tae’ mila umpatei tu indo’ku sola ambe’ku, sia mintu’ siulu’ku muane sola baine sia iatu mai solana sia la mirampanangkan dio mai kamatean.

YOSUA 2:18

iake tamakanni te tondok iate, manassa iate ulang bannang karamisi dikaridi’ la mupemporian dao pentiroan tu munii urrorro’kanni, ammu pasirampunni tu indo’mu sia ambe’mu sia siulu’mu muane sia baine sia mintu’ sangdadiammu lan banuammu.

YOSUA 2:19

Minda-minda tassu’ lan mai ba’ba banuammu, iatu rarana la sule langngan botto ulunna, na iatu kami maserokan to; apa minda-minda musolan lan banuammu, iatu rarana la sule langngan botto ulungki, ke denni misa’ tau umpata’pai lima.

YOSUA 6:22

Ma’kadami Yosua lako tu tau sola duai tu mangkamo usserre’i tondok iato, nakua: Malekomi tama banuanna tu baine kadake gau’, ammi patassu’i tu baine iato sola mintu’ to lan banuanna, susitu mipalaoan sumpa unnallu’i lako kalena.

YOSUA 9:15

Sikadamakmi Yosua tu tau iato mai sia naallu’ la umpatuoi, sia iatu mintu’ pangulu kasirampunan umpalao sumpa la maruru’ lako kalena.

TO PARENGNGE’ 1:24

Natiromi to masserre’i tu misa’ muane tassu’ lan mai kota, nakuami ungkuanni: Patiroangkanni tu lalan ma’din naola tau tama kota iato, angki karampa’iko.

1 SAMUEL 30:15

Nakuami Daud lako: Ma’dinrakannika musolan rokko kaponan iato? Mebalimi: Iake umpalaokomi sumpa lako kaleku tete dio Puang Matua, kumua tae’ sia mila umpateina’ sia tae’ duka mila ussorongna’ lako puangku, ma’dinkomi kusolan lako kaponan iato.