YOSUA 2:10 - Sura' Madatu

¹⁰ Belanna kirangimo umba Nakua PUANG umpamarangkei tu uai tasik Teberau dio tingayomi, tommi tassu’ lan mai Mesir, sia iatu apa mangka mipogau’ lako tu da’dua datu to Amori sambalinna lu Yordan, iamotu Sihon sola Og, umba mikua ussabu’i.

YOSUA 2:10 ပူးပေါင်းရင်းမြစ်များ

PA’PUDIAN 74:15

Kamumo umpabu’tu kalimbuang sia umpalolong uai salu, sia umpamarangke salu kapua.

KADIBILANGAN 20:14

Mangkato nasuami Musa tu sumbungan puduk dio mai Kadesh lako datu Edom, umparampoi kumua: Inde sia tu kadanna siulu’mi Israel, kumua: Mitandai tu mintu’ kamasussan urrampoikan,

KADIBILANGAN 23:22

Puang Matua, tu ussolanni lan mai Mesir, Iamo napomatoto’ butung to tanduk sapi laki lampung,

KADIBILANGAN 24:8

Puang Matua, tu ussolanni lan mai Mesir, Iamo napomatoto’ butung to tanduk sapi laki lampung. Mintu’ bangsa tu napouali naampello’mira, sia iatu mai bukunna nale’to-le’to, sia natarru’mira tinaran tu tau iato mai.

PA’TOLE 2:30

Apa iatu Sihon, datunna Hesbon, tae’ naelorangkan ullendu’i lili’na, belanna PUANG, Kapenombammu umpamakarra’i tu penaanna sia umpabattuk ba’tengna, kumua anNa sorongi tama kuasammu, susitu a’ganna totemo.

YOSUA 24:12

Attu iato Kuparampoikomi tabuan balo dio tingayomi, naula’i tu tau iato mai dio mai kalemi, susitu da’dua datu to Amori; tonganna tangiara kandean pa’dangmu ba’tu panamu.

YOSUA 4:24

kumua anna issanni mintu’ bangsa dao kuli’na padang tumbai mawatangna tu limanNa PUANG, anna kataku’i tau iato mai tu PUANG, Kapenombammi, lan mintu’ allo.

YOSUA 5:1

Iatonna rangimi mintu’ datu to Amori, tu dio rampe matampu’na Yordan sia mintu’ datu to Kanaan dio randan tasik, kumua Napamarangke PUANG tu uai Yordan dio tingayona to Israel sae lako tappunna lamban tu tau iato mai, raangmi penaanna sia pa’de deata, belanna mataku’ lako to Israel.

YOSUA 9:10

sia iatu mintu’ apa mangka Napogau’ lako da’dua datu Amori rampe lianna Yordan, iamotu Sihon, datu Hesbon sia Og, datu Basan, tu dio Astarot.