YOSUA 18:7 - Sura' Madatu

⁷ Iatu to Lewi tae’ nadipaketaa dio lu kalemi, belanna iatu katominaan, tu natoean PUANG, iamoto tu taa mana’na. Na iatu Gad sia Ruben sia sesena suku Manasye mangkamo unnappa’ taa mana’ sambalinna lu Yordan dio rampe matallo, tu napa’bengan Musa, taunNa PUANG, lako tau iato mai.

YOSUA 18:7 ပူးပေါင်းရင်းမြစ်များ

KADIBILANGAN 18:20

Ma’kadami tu PUANG lako Harun, Nakua: Iatu tondokna tau iato mai tae’ ammu la umpotaa mana’i lan, sia pa’lak sangtempe’ tae’ mula umpotaai. Akumo tu la mupotaa sia mupotaa mana’ dio lu to Israel.

KADIBILANGAN 18:23

Sangadinna iatu to Lewi la untoe pentoean lan Tenda Kasitammuan sia la umpassanni tu kasalanna, iamotu misa’ aluk dipondok matontongan nasiosso’i sia tang ketaa mana’ dio lu to Israel.

KADIBILANGAN 18:7

Apa iatu iko sola tu mai anakmu, la musisolan untoe katominaammi lan mintu’ apa sipatu dipogau’ dio lu inan pemalaran sia diona tu mai apa dio boko’ kulambu, sia la mentoekomi dio. Susito misa’ pentoean, tu dipa’kamasean, Kukamaseikomi katominaan tu mitoe; apa iatu to tang sipatu mengkareke’, ke mengkareke’i, la dipatei.

PA’TOLE 10:9

Iamoto iatu suku Lewi tae’ naappa’i tu napoapanna sia taa mana’na sola siulu’na, belanna iatu PUANG. Iamo taa mana’na, susitu mangka Napokadanni PUANG, Kapenombammu.

YOSUA 12:6

Iatu Musa, taunNa PUANG, sola to Israel untaloi tu tau iato mai, anna pa’benganni Musa, taunNa PUANG, tu tondok iato lako to Ruben sia to Gad sia sesena suku Manasye la napomana’.

YOSUA 13:33

Apa iatu suku Lewi tae’ napaketaai Musa padang mana’, belanna PUANG, Kapenombanna to Israel, iamoto tu taa mana’na, susitu mangka Naalluranni.