YOSUA 18:4 - Sura' Madatu

⁴ Pamanassami tallu tau, ke misa’oi suku; la kusua tu tau iato mai, male ullelei tu padang iato, anna sura’i tu mai angge sitinayanna taa mana’na ke simisa’oi, namane sule lako kaleku.

YOSUA 18:4 ပူးပေါင်းရင်းမြစ်များ

MIKHA 2:5

Iamoto moi misa’ tau tae’mo tu umbuangangko ulang pesuka’ unturu’ pa’loterei lan kombonganNa PUANG.

KADIBILANGAN 1:4

Anna tunduikomi misa’ tau ke simisa’oi suku, iamotu pekaamberan lan mintu’ rapunna.

KADIBILANGAN 13:2

Suai tu tau la lao umparessa buni tondok Kanaan, tu la Kukamasean to Israel; iamotu simisa’ tau la musua dio mai simisa’ suku nene’ to dolona; mintu’ tau iato iamo arungna.

YOSUA 18:3

Iamoto ma’kadami tu Yosua lako to Israel nakua: Sangapaporokomi la matukkun la unnalai tu padang iato la mipomana’, tu Nasorongmo PUANG, Kapenombanna nene’ to dolomi, lako kalemi?

YOSUA 18:5

Mangkato nasituru’imi untaa pitui. Iatu Yehuda la untorroimo lili’ padangna rampe lo’na lu, iatu bati’na Yusuf la untorroimo lili’ padangna rampe daanna lu.

YOSUA 18:6

La misura’mo tu padang iato tu mangkamo ditaa pitu ammi baai lako kaleku, angku lotereiangkomi inde te dio oloNa PUANG, Kapenombanta.

YOSUA 18:9

Malemi tu tau iato mai ullelei tu padang iato, anna sura’ simisa’i tu kota, dipapitu taanna, namane sule lako Yosua dio to’ tenda dio Silo.

YOSUA 3:12

Iamoto la miala tu sangpulo dua muane dio mai mintu’ suku Israel, misa’ muane, ke misa’oi suku.

YOSUA 4:2

La miala tu sangpulo dua muane dio mai mintu’ suku Israel, simisa’ muane, ke misa’oi suku.