YOSUA 18:3 - Sura' Madatu

³ Iamoto ma’kadami tu Yosua lako to Israel nakua: Sangapaporokomi la matukkun la unnalai tu padang iato la mipomana’, tu Nasorongmo PUANG, Kapenombanna nene’ to dolomi, lako kalemi?

YOSUA 18:3 ပူးပေါင်းရင်းမြစ်များ

SARAMBU PEADA’ 10:4

Iatu limanna to matukkun mengkarang ma’pakalala’, apa iatu limanna to birisan mengkarang ma’pasugi’.

SARAMBU PEADA’ 13:4

Iatu penaanna to tukkunan maduang, apa moi misa’ tae’ nakabu’tui, apa iatu penaanna to birisan dipedia’i tongan.

SARAMBU PEADA’ 15:19

Iatu lalanna to tukkunan susito rompo duri, apa iatu lalanna to bulo lollong marante bang.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

ZEFANYA 3:16

Alo iato la ma’kada tu tau lako Yerusalem nakua: Da mumataku’, e Sion, da mupopa’elo’nai langga’ tu limammu.

MATIUS 20:6

Iatonna sae pole’omo tinde tau agi-agi tette’ lima makaroen, nakabu’tui pole’omi tu to senga’ be’dang-be’dang bang, nakuami ungkuanni: Ma’apari ammi be’dang punala bangra indete tu’tu’na allo?

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

YOSUA 1:6

La batta’ko sia lalongko, belanna iko la umposara’i te bangsa iate la umpomana’i tu tondok tu Kupalaoan sumpa lako nene’ to dolona la ungkamaseanni.

YOSUA 13:1

Iatonna matuamo tu Yosua sia matessekmo, ma’kadami PUANG lako kalena Nakua: Matuamoko sia matessekmoko, anna budapa tu padang torro tu ma’din diala dipomana’.

YOSUA 18:2

Torropa pitu suku to Israel, tu tang unnappa’pa taa mana’na.

YOSUA 18:4

Pamanassami tallu tau, ke misa’oi suku; la kusua tu tau iato mai, male ullelei tu padang iato, anna sura’i tu mai angge sitinayanna taa mana’na ke simisa’oi, namane sule lako kaleku.

TO PARENGNGE’ 18:9

Ma’kadami nakua: Maimokomi, tamalemo ullaoi, belanna iatu tondok kitiro melo tongan. Ma’apai ammi torro bangra unno’ko’ indete! Da mimatukkun male ullaoi tu tondok iato ammi alai mipomana’.