YOSUA 18:1 - Sura' Madatu

¹ Ditambaimi tu mintu’ kombongan to Israel sae sirampun dio Silo; napabendanmi dio tu Tenda Kasitammuan, belanna iatu tondok iato mangkamo natalo.

YOSUA 18:1 ပူးပေါင်းရင်းမြစ်များ

2 SAMUEL 7:6

Randuk dio mai allo Kusolanna tu to Israel tassu’ lan mai tondok Mesir sae lako allo iate, tae’ bangpa Kutorroi misa’ banua, sangadinna male bangNa’ salamba salao untorroi tenda sia kema.

1 DATU 14:2

Nakuami tu Yerobeam lako bainena: Melo ke umbaliliko kalemu ammu ke’de’, da natandaiko tau, kumua bainenako Yerobeam, ammu male lako Silo; dio nanii torro tu nabi Ahia, tu mangka umpokadanna’ kumua la diangka’na’ datu umparentai te bangsa iate.

1 DATU 14:4

Napogau’mi bainena Yerobeam susito; ke’de’mi male lako Silo anna tama banuanna Ahia. Iatu Ahia tang pakitamo, belanna maraunmo tu matanna napobua’ kamatuanna.

1 DATU 2:27

Natassu’imi Salomo tu Abyatar, kumua damo anna dadi to minaanNa PUANG; susimoto nanii umpalanda’i tu kadanNa PUANG, tu Napokada dolomo Puang diona bati’na Eli dio Silo.

NEHEMIA 9:24

Rampomi tu anakna tau iato mai anna alai tu tondok iato napomana’ sia Mipopengkanorongmo tu pa’tondokanna, iamotu to Kanaan dio tingayona tau iato mai, amMi sorongi tama limanna la datunna la mintu’ bangsa lan tondok iato, anna pogau’i lako tau iato mai tu lalan penaanna.

PA’PUDIAN 78:60

Naurunganni Nasalai tu tenda dio Silo, tu tenda Napabendan dio to’ naninna tolino;

PA’PUDIAN 78:66

Nasambakki dio mai boko’ tu mintu’ ualinNa, sia Naparampoi kamatunan tang pa’de-pa’de.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 26:9

Ma’apai ammu ma’nubua’ tete dio sanganNa PUANG, kumua: La susi Silo te banua iate, sia la sanggang te kota iate, naurunganni moi misa’ tau tae’mo untorroi! Nasikarupuimi to buda la ullaoi tu Yeremia lan banuanNa PUANG.

YEREMIA 41:5

saemi dio mai Sikhem sia Silo sia Samaria karua pulona tu to diku’ku’i danggo’na sia serek-serek pakeanna sia ditori’-tori’ kuli’na sia umbaa kande la dipemalaran sia dupa lako banuanNa PUANG.

KADIBILANGAN 32:22

naurungan iatu tondok ditalo dio oloNa PUANG, ammi mane sule, attu iato lessu’mo tu passanammi dio oloNa PUANG sia dio tingayona to Israel, sia iate tondok la mipoapamo dio oloNa PUANG.

PENGGAURANNA RASULU’ 7:45

Iatu nene’ to dolota tu dipakambi’i tenda iato, mangkamo umbaai sola Yosua tama tana Kanaan, tonna taloi tu to kapere’, tu Narambai Puang Matua dio mai tingayona nene’ to dolota, sae lako linona Daud.

YOSUA 18:2

Torropa pitu suku to Israel, tu tang unnappa’pa taa mana’na.

YOSUA 18:8

Ke’de’mi male tu tau iato mai. Iatonna la ke’de’mo tu tau iato mai, napasanmi Yosua ussura’i tu padang iato, nakua: Malemokomi ullelei tu padang iato, ammi sura’i mimane sule lako kaleku; mangkato kulotereiangkomi inde te dio Silo dio oloNa PUANG.

YOSUA 19:51

Iamoto tu taa mana’ mangka naloterei anna pamanassai to minaa Eleazar sola Yosua, anakna muane Nun, sia pangulu rapu lako mintu’ suku to Israel dio Silo dio oloNa PUANG, dio tingayo lalan tama Tenda Kasitammuan. Susimoto nanii tu tau iato mai umpaupu’i untaa-taa padang iato.

YOSUA 21:2

anna ma’kada lako tau iato mai dio Silo dio tondok Kanaan, nakua: Mangkamo mepasan tu PUANG nalopian Musa la umbenkan kota la kinii ma’tondok sia padang kariuan tu untikui la nanii sapingki sia dombaki sia bembe’ki.

YOSUA 22:12

Iatonna rangimi to Israel tu apa iato saemi sirampun tu mintu’ kombonganna to Israel la lao urrarii tu tau iato mai.

YOSUA 22:19

Iake marutakki tu padang mana’mi, malekomi mai lako padang mana’Na PUANG, tu naninna kemaNa PUANG, anta ma’mana’ sola. Apa da mibali-bali PUANG sia da mieakan la umpabendanan kalemi misa’ inan pemalaran senga’ na iatu inan pemalaranNa PUANG, Kapenombanta.

YOSUA 22:9

Sulemi tu mintu’ to Ruben sia to Gad sia sesena suku Manasye, natampei tu to Israel lan mai Silo dio tondok Kanaan, anna male lako tondok Gilead, iamotu padang mana’na, tu napomana’ susitu Napa’parentan PUANG nalopian Musa.

TO PARENGNGE’ 18:31

Napadenammi kalena tu rapang-rapang dipa’ tu mangka nagaragai Mikha, natorro dio sipeupu’ kabendananna banuanna Kapenomban dio Silo.

TO PARENGNGE’ 21:12

Naapparammi dio lu to Yabesh lan lili’na Gilead tu a’pa’ratu’ pia baine, anak dara, tu tae’pa nasangampa’ muane, anna solanni te pia baine iate lako to’ tenda dio Silo lan padang Kanaan.

TO PARENGNGE’ 21:19

Ma’kadami tu tau iato mai nakua: Manassa iake taunoi den misa’ pa’gauran umpakaraya PUANG dio Silo, tu rampe rekkena Betel, sia rampe matallona batatta lompo, tu ma’palu dio mai Betel lako Sikhem, sia rampe sau’na Lebona.

1 SAMUEL 1:24

Iatonna mangkamo ussarakki, nasolammi rekke sia umbaa sapi laki mangura tallu sia ta’pung sangepa sia uai anggoro’ sanggori-gori. Susimo kanasolanna tu pia iato tama banuanNa PUANG dio Silo; tonna tarru’ mangurapa.

1 SAMUEL 1:3

Tae’ nasalai ke taunoi tu tau iato sun lan mai kotana, ma’palurekke, la lao massambayang sia memala’ lako PUANGna mintu’ ma’dandan maritik dio Silo. Indeto dio den to minaanNa PUANG iamotu Hofni sia Pinehas, anakna dua Eli.