YOSUA 17:2 - Sura' Madatu

² Den duka napotaa tu mai anakna muane Manasye tu senga’na unturu’ pa’rapuanna, iamotu anakna Abiezer, Helek, Asriel, Sekhem, Hefer sia Semida; iamote tu anak muane nadadian Manasye, anakna muane Yusuf, unturu’ pa’rapuanna.

YOSUA 17:2 ပူးပေါင်းရင်းမြစ်များ

1 OSSORANNA DATU 7:18

Iatu anak daranna, Molekhet undadian Isyhod, Abiezer na Mahla.

YOSUA 17:1

Inde sia tu taa mana’na suku Manasye tonna diloterei, belanna iamo anak pa’bunga’na Yusuf, iamo tu Makhir, anak pa’bunga’na Manasye, ambe’na Gilead, dipaketaamo Gilead sola Basan, belanna ia misa’ to lalong.

YOSUA 17:3

Apa iatu Zelafehad, anakna muane Hefer, anakna muane Gilead, anakna muane Makhir, anakna muane Manasye, tae’ muane nadadian, sangadinna baine manna. Inde sia tu sanganna tu mai anakna baine, iamotu Mahla, Noa, Hogla, Milka sia Tirza.

TO PARENGNGE’ 6:11

Undinnato saemi Malaeka’Na PUANG, anna unno’ko’ diong garonto’ tarpin dio Ofra, apanna Yoas, to Abiezer; na iatu Gideon, anakna muane, marassan ussambak-sambakki gandung lan to’ pa’parran anggoro’, la umpembunian to Midian.

TO PARENGNGE’ 8:2

Apa ma’kada tu Gideon lako nakua: Umbara susite penggaurangku, ke dipasitintii penggaurammi? Tang mandu meloraka tu peanggoro’ undinna Efraim na iatu peanggoro’na Abiezer.