YOSUA 13:9 - Sura' Madatu

⁹ randuk dio mai Aroër, tu dio biring salu’-salu’ Arnon, iamotu kota dio to’ sisamanna salu’-salu’ iato sia mintu’ padang rante membuntunna, randuk dio mai Medeba sae lako Dibon;

YOSUA 13:9 ပူးပေါင်းရင်းမြစ်များ

2 SAMUEL 24:5

Ullambanmi Yordan tu tau iato mai anna ma’tenda dio Aroër, rampe lo’na lu kota, lan tangngana lombok Gad, sia dio Yaezer.

1 OSSORANNA DATU 19:7

Nasaroi tu tallungpulo ndua sa’bu kareta parari sia datu Maakha sola surodadunna. Rampomi anna ma’tenda dio tingona Medeba. Ia duka tu to Amon sangtassurammo lan mai kotana, anna sirampun la male parari.

NEHEMIA 11:25

Iatu tondok nanii tau dio salian kota, iamotu to Yehuda pira torro dio Kiryat-Arba sia lili’na, dio Dibon sia lili’na, dio Yekabzeel sia kampongna;

YESAYA 15:2

Male tu tau langngan banua kapemalaran, to Dibon male langngan inan madao la sibatingan. Dao Nebo sia Medeba nanii to Moab siurrukan; iatu ulunna tau iato mai digalettungi nasang sia diku’ku’i tu danggo’na.

YEREMIA 48:18

Mengkalaomoko dao mai inan kamala’birammu, ammu unno’ko’ diong lu to’ rumpang, e pa’tondokan, e anak dara Dibon, belanna iatu pa’kasangganganna Moab ke’de’mo la ullaoiko na iamo la urro’pokki tu mintu’ tambakukummu.

YEREMIA 48:22

Dibon, Nebo, Bet-Diblataim.

YEREMIA 48:8

Sia la den misa’ pa’kasanggang sae tama mintu’ kota, naurunganni moi misa’ kota tae’ len tilendok na iatu lombok la sanggangmo, na iatu padang lappa’ la mangsanmo, susimo kadanNa PUANG.

KADIBILANGAN 21:30

Kilaoimo pana tu tau iato; iatu Hesbon sanggangmo sisola Dibon, kisabu’i sae lako Nofah, tu landa’ sae lako Medeba.

PA’TOLE 2:36

Randuk dio mai Aroër, dio biringna salu’-salu’ Arnon, sia kota diong lombok, sae lako Gilead, moi misa’ tae’ kota tu tang la takulle untaloi. Iatu PUANG, Kapenombanta, Nasorong nasangmo lako kaleta tu mintu’nato.

PA’TOLE 3:12

Tondok iate taalamo tapoapa tonna attu iato; randuk dio mai Aroër, tu dio biring salu’-salu’ Arnon, sola sangsesena ma’buntunna Gilead, sia iatu mai kotana kusorong lako to Ruben sia lako to Gad.

PA’TOLE 3:16

Iatu to Ruben sia to Gad kuben sangtaanna Gilead, tu indena mai sae lako salu’-salu’ Arnon, iamotu tangngana salu’-salu’ iato sola ma’biringna, sia sambalinna lu sae lako salu’-salu’ Yabok, iamo passaparanna to Amon;

YOSUA 12:2

Iamotu Sihon, datu to Amori, tu torro dio Hesbon, tu ma’parenta randuk dio mai Aroër dio biring salu’-salu’ Arnon, iamo tu dio to’ sisamanna salu’-salu’ iato, sia sesena Gilead sae lako salu’-salu’ Yabok, tu sikatonan to Amon;

YOSUA 13:10

sia mintu’ kotana Sihon, datu to Amori, tu ma’parenta dio Hesbon, sae lako lili’na to Amon;

YOSUA 13:16

Napotaamo tu padang randuk dio mai Aroër, tu dio biring salu’-salu’ Arnon, iamotu kota dio to’ sisamanna salu’-salu’ iato sia mintu’ padang rante membuntunna sikandappi’ Medeba.

YOSUA 13:8

Iatu to Ruben sola to Gad mangkamo unnappa’ taa mana’na sola (sangsesena rapu Manasye), tu mangkamo napa’bengan Musa lako tau iato mai samballinna lu Yordan, dio rampe matallo susitu mangka napa’bengan Musa, taunNa PUANG, lako tau iato mai,