YOSUA 13:8 - Sura' Madatu

⁸ Iatu to Ruben sola to Gad mangkamo unnappa’ taa mana’na sola (sangsesena rapu Manasye), tu mangkamo napa’bengan Musa lako tau iato mai samballinna lu Yordan, dio rampe matallo susitu mangka napa’bengan Musa, taunNa PUANG, lako tau iato mai,

YOSUA 13:8 ပူးပေါင်းရင်းမြစ်များ

KADIBILANGAN 32:19

Belanna iatu kami tae’ kila unnappa’ taa mana’ sambalinna lu Yordan sia lili’ rampe lakona, ke iami kipotaa mana’ tu rampe matallona Yordan, tu dio kadellekan allo.

PA’TOLE 3:8

Susimoto tanii unnalai dio mai datunna to Amori sola duai tu tondok sambalinna lu Yordan, randuk dio mai salu’-salu’ Arnon sae lako buntu Hermon

YOSUA 12:1

Inde sia tu mintu’ datunna tondok tu natalo to Israel sia naala tu padangna rampe matallona Yordan, randuk dio mai salu’-salu’ Arnon sae lako buntu Hermon sia mintu’ lili’na Araba-Yordan ma’palulako rampe matallo.

YOSUA 12:6

Iatu Musa, taunNa PUANG, sola to Israel untaloi tu tau iato mai, anna pa’benganni Musa, taunNa PUANG, tu tondok iato lako to Ruben sia to Gad sia sesena suku Manasye la napomana’.

YOSUA 13:7

Totemo taami te padang iate la napomana’ kasera suku sia sangsese rapu Manasye.

YOSUA 13:9

randuk dio mai Aroër, tu dio biring salu’-salu’ Arnon, iamotu kota dio to’ sisamanna salu’-salu’ iato sia mintu’ padang rante membuntunna, randuk dio mai Medeba sae lako Dibon;

YOSUA 22:4

Totemo Nakamaseimo karapasan PUANG, Kapenombammi, tu mintu’ siulu’mi, susitu pangallu’Na lako kalemi. Iamoto melo ke malemokomi sule lako to’ tendami, lako tondok mana’mi, tu nabenkomi Musa, taunNa PUANG, sambalinna lu Yordan.

YOSUA 4:12

Lamban dukami tu to Ruben sia to Gad sia sesena rapu Manasye sakka’ la parari undoloan mintu’ to Israel, susitu mangka napokada Musa lako tau iato mai.

1 SAMUEL 13:7

Den duka pira to Ibrani ullamban Yordan, anna male lako Gad sia Gilead, tonna torropa tu Saul dio Gilgal; iatu mintu’ to umbumbunni tu boko’na mataku’ sia ma’parondo.