YOSUA 13:5 - Sura' Madatu

⁵ sia padang to Gebal sia mintu’ Libanon rampe matallo, randuk dio mai Baal-Gad, tu diong garonto’ buntu Hermon, sae lako batatta lu tama Hamat;

YOSUA 13:5 ပူးပေါင်းရင်းမြစ်များ

1 DATU 5:18

Mintu’ pandena Salomo sia mintu’ pandena Hiram sia to Gibal untara kayu sia umpa’ batu sia napasirapa’ melo tu apa iato la umbangunni tu banua.

1 DATU 8:65

Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

PA’PUDIAN 83:7

Iamotu mintu’ to ma’ suku Edom sia to Ismael, Moab sia to Hagar,

YESAYA 10:9

Tang baliraka Karkemis tu Kalno, sia Arpad tu Hamat? Tang baliraka Damsyik tu Samaria?

YEREMIA 52:9

Natingkanni tu datu, nasolammi lako datu Babel dio Ribla, lili’na Hamat, nara’ta’mi datu Babel tu ukunganna.

YEHEZKIEL 27:9

Iatu mai to matua sia to matarru’ dio mai Gebal diomo kalemu la umpemeloiko. Iatu mintu’na kappala’ tasik sola pallopinna diomo randanammu la umpasituka’ balukammu.

AMOS 6:2

Malekomi lako Kalne, ammi tiroi, sia ammi ke’de’ inde to dio mai lako Hamat kapua, ammi solo’ rokko Gat, lili’na to Filistin. Mandu meloraka to na iate kadatuan iate, mandu kalua’raka tu lili’na na iatu lili’mi?

KADIBILANGAN 13:21

Ke’de’mi tu tau iato mai lao umparessa bunii randuk dio mai padang pangallaran Zin sae lako Rehob, tu nanii randuk lalan diola lako Hamat.

KADIBILANGAN 34:8

Dio mai buntu Hor la mipamanassa tu gorri’na sae lako lalan lu lako Hamat, na iatu tampak passaparanna la dio Zedad.

PA’TOLE 1:7

Ke’de’mokomi ammi male ma’palulako ma’buntunna to Amori sia lako tu to nasikandappiran, lan Araba-Yordan, dao Ma’buntunna, diong, Padang Mengkadiongna, dio Padang lo’na lu sia dio biring tasik, – tondok to Kanaan, sia lako Libanon sae lako salu kapua, iamotu salu Efrat.

PA’TOLE 3:25

Eloranna’ lamban, angku tiroi tu tondok melo, tu sambalinna lu Yordan, tu padang buntu ballo sia Libanon.

YOSUA 11:17

randuk dio mai Buntu Karing, tu ma’palulangngan Seir sae lako Baal-Gad diong lombok Libanon, diong garonto’ buntu Hermon. Natalomi tu mintu’ datunna sia napatei.

YOSUA 11:3

lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

YOSUA 12:7

Inde sia tu mintu’ datunna tondok, tu natalo Yosua sia mintu’ to Israel rampe matampu’na Yordan, randuk dio mai Baal-Gad diong lombok Libanon sae lako Buntu Karing tu ma’palulangngan Seir. Napa’bengan Yosua tu tondokna lako mintu’ sukunna Israel, la napomana’ situru’ tu bilanganna sukunna;