YOSUA 13:3 - Sura' Madatu

³ randuk dio mai Sikhor dio rampe matallona Mesir sae lako lili’na Ekron ma’palurekkena – padang iate dipasangbilangan padang to Kanaan –; iatu lima arung to Filistin, iamotu arungna Gaza, Asdod, Askelon, Gat sia Ekron, sia to Awi,

YOSUA 13:3 ပူးပေါင်းရင်းမြစ်များ

KADADIAN 10:6

Iatu muane nadadian Ham iamo Kush na Misraim na Put na Kanaan.

KADADIAN 15:18

Allo ia dukamoto anNa basse kada tu PUANG sola Abram, Nakua: Kubenmo bati’mu tu padang iate, angge dio mai salu Mesir landa’ lako salu kapua iamotu salu Efrat:

1 DATU 8:65

Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

1 OSSORANNA DATU 13:5

Narampunmi Daud tu mintu’ to Israel dio mai salu Sikhor dio Masir sae lako batatta lu lako Hamat, la unnalai tu pattinNa Puang Matua dio mai Kiryat-Yearim.

YESAYA 23:3

iatu tasik iamo dinii umpalamban bannena Sihor sae, iatu burana Nil iamo poleanna, iamo naalli mintu’ bangsa to.

YEREMIA 2:18

Ma’apari ammu male lako Mesir unniru’ uai salu Nil? Sia ma’apari ammu male lako Asyur unniru’ uai Efrat?

PA’TOLE 2:23

Iatu to Kaftor, tu sae dio mai Kaftor, ussanggangmo to Awi, tu ma’kampong sae lako Gaza, anna ma’tondok dio ussondai tu tau iato.

YOSUA 13:13

Apa tae’ naula’i to Israel tu to Gesur sia iatu to Maakha naurungan iatu to Gesur sia to Maakha torromo ma’tondok dio lu to Israel sae lako allo iate.

TO PARENGNGE’ 16:5

Saemi tu mai arung kota to Filistin lako kalena, ma’kada nakua: Naranni, ammu issanni, apara napobannang tu kamatotoran kapuana sia umbara la kikua untaloi sia umpungoi la umpatundukki. Ianna dadi to, pantan la kibenko sangsa’bu saratu’ sikele’ salaka.

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.

1 SAMUEL 5:1

Naalami to Filistin tu pattinNa Puang Matua, nabaai dio mai Eben-Haezer lako Asdod.

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.

1 SAMUEL 5:8

Iamoto anna ditambai ma’kombongan tu mintu’ arung kota to Filistin, anna ma’kada nakua: La tapatumbai tu pattinNa Kapenombanna to Israel? Mebalimi tu mintu’ arung nakua: Melo ke dipalelei tu pattinNa Kapenombanna to Israel, lako tondok Gat. Napalelemi tu pattinNa Kapenombanna to Israel.

1 SAMUEL 6:4

Mekutanami tu tau iato mai, nakua: Umbara la susitu pamengan ullendokan kasalan tu sipatu la kisoronganni? Mebalimi nakua: Limang batu kele bulaan sia lima balao bulaan, situru’ bilanganna mintu’ arung kota to Filistin, belanna sangrupari tu kasanggangan urrampoiki’, susi dukato tu mintu’ arung kotami.