YOSUA 13:16 - Sura' Madatu

¹⁶ Napotaamo tu padang randuk dio mai Aroër, tu dio biring salu’-salu’ Arnon, iamotu kota dio to’ sisamanna salu’-salu’ iato sia mintu’ padang rante membuntunna sikandappi’ Medeba.

YOSUA 13:16 ပူးပေါင်းရင်းမြစ်များ

2 SAMUEL 24:5

Ullambanmi Yordan tu tau iato mai anna ma’tenda dio Aroër, rampe lo’na lu kota, lan tangngana lombok Gad, sia dio Yaezer.

1 OSSORANNA DATU 19:7

Nasaroi tu tallungpulo ndua sa’bu kareta parari sia datu Maakha sola surodadunna. Rampomi anna ma’tenda dio tingona Medeba. Ia duka tu to Amon sangtassurammo lan mai kotana, anna sirampun la male parari.

YESAYA 15:4

Siurrukan tu to Hesbon sia to Eleale; dirangi tu gamaranna sae lako Yahas, ondongpi tu surodadunna to Moab, silallakan sia ranggang tu penaanna.

KADIBILANGAN 21:26

Belanna iatu Hesbon, iamo kotana Sihon, datu to Amori. Na iatu Sihon mangkamo urrarii datu Moab, iamotu datu dolo, sia narampa tu mintu’ tondokna, sae lako Arnon.

PA’TOLE 3:12

Tondok iate taalamo tapoapa tonna attu iato; randuk dio mai Aroër, tu dio biring salu’-salu’ Arnon, sola sangsesena ma’buntunna Gilead, sia iatu mai kotana kusorong lako to Ruben sia lako to Gad.

YOSUA 12:2

Iamotu Sihon, datu to Amori, tu torro dio Hesbon, tu ma’parenta randuk dio mai Aroër dio biring salu’-salu’ Arnon, iamo tu dio to’ sisamanna salu’-salu’ iato, sia sesena Gilead sae lako salu’-salu’ Yabok, tu sikatonan to Amon;

YOSUA 13:15

Inde sia tu apa napa’bengan Musa lako suku Ruben unturu’ pa’rapuanna.

YOSUA 13:17

Sia Hesbon sia mintu’ kotana, tu dio padang rante membuntunna, iamotu Dibon, Bamot-Baal, Bet-Baal-Meon,

YOSUA 13:9

randuk dio mai Aroër, tu dio biring salu’-salu’ Arnon, iamotu kota dio to’ sisamanna salu’-salu’ iato sia mintu’ padang rante membuntunna, randuk dio mai Medeba sae lako Dibon;

YOSUA 14:3

Belanna mangkamo tu Musa umbenni taa mana’ tu da’dua suku ssangsese sambalinna lu Yordan; apa iatu to Lewi tae’ nabenni mana’ dio lu tau iato mai.

YOSUA 18:7

Iatu to Lewi tae’ nadipaketaa dio lu kalemi, belanna iatu katominaan, tu natoean PUANG, iamoto tu taa mana’na. Na iatu Gad sia Ruben sia sesena suku Manasye mangkamo unnappa’ taa mana’ sambalinna lu Yordan dio rampe matallo, tu napa’bengan Musa, taunNa PUANG, lako tau iato mai.

TO PARENGNGE’ 11:26

Talluratu’mo taunna tu to Israel torro dio Hesbon sola mintu’ lili’na sia dio Aroër sola mintu’ lili’na sia dio mintu’ kota dio randananna Arnon, ma’apai natae’ misae urrampananni to attu iato.

1 SAMUEL 30:28

sia lako pekaamberan dio Aroër, sia dio Sifmot sia dio Estemoa,