YOSUA 12:8 - Sura' Madatu

⁸ dao lu Ma’buntunna, diong Padang Merrantena, dio Araba-Yordan, dao lu mennaa’na, lan lu padang pangallaran sia dio padang Lo’na lu, iamotu tondokna to Het, to Amori, to Kanaan, to Feris, to Hewi sia to Yebus.

YOSUA 12:8 ပူးပေါင်းရင်းမြစ်များ

YOSUA 11:16

Susimoto tu kanataloanna Yosua tu mintu’ tondok iato, tu Tondok ma’buntunna, sia mintu’ Tondok lo’na lu, sia mintu’ Tondok Gosyen, sia Padang Merrantena, sia Araba-Yordan, sia Buntunna Israel sola Padang Merrantena;

YOSUA 10:40

Susimo kanataloanna Yosua to tu mintu’ tondok, iamotu tondok dao lu buntu sia Padang Rampe sau’na sia iatu Padang Merrantena sia iatu mennaa’na sia mintu’ datunna; moi misa’ tae’ bang nalussuran, sangadinna nasabu’i nasang tu mintu’ kepenaanna butung pepayu, situru’ tu pepasanNa PUANG, Kapenombanna to Israel.

YOSUA 9:1

Iatonna rangimi mintu’ datu, tu torro dio rampe matampu’na Yordan, la daona lu Buntu, la diongna lu Padang Merrantena sia iatu dio biring tasik Kapua sae lako tu sitingoanna Libanon, iamotu to Het, to Amori, to Kanaan, to Feris, to Hewi na to Yebus,

PA’TOLE 9:1

Perangii, e to Israel! Totemo la mulamban tu Yordan ammu alai mupoapa tu lili’na tu mai bangsa, tu tarompo’ sia makuasa na iko sia iatu mai kota kapua, tu ditambakuku malangka’ langngan langi’ –,

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

KATASSURAN 23:23

Belanna iatu malaeka’Ku la undoloangko sia la ussolangko tama tondokna to Amori sia to Het sia to Feris sia to Kanaan sia to Hewi sia to Yebus sia Aku la ussanggang nasangi tu tau iato mai.

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

KADADIAN 10:17

sia to Hewi sia to Arki sia to Sini,

KADADIAN 12:9

Nasusi to ke’de’mi tu Abram inde to dio mai nama’palusau’ pollo’na uai.

KADADIAN 13:7

Sia den pissan nabu’tu kasipakkanna mintu’to mangkambi’na Abram anna to mangkambi’na Lot. Iatonna attu iato to Kanaan sia to Feris ma’tondok lan tana iato.

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

TO PARENGNGE’ 1:9

Namane solo’ tu to Yehuda rokko la urrarii to Kanaan, tu torro dao padang ma’buntunna, dio Padang Lo’na lu, sia diong Padang Merrantena.