YOSUA 12:3 - Sura' Madatu

³ sia Araba-Yordan sae lako rampe matallo tasik Kinerot sia sae lako rampe matallo tasik Araba, iamo tu tasik Ma’sin, ma’palulako Bet-Yesimot sia rampe lu sau’na diong garonto’ mennaa’na Pisga.

YOSUA 12:3 ပူးပေါင်းရင်းမြစ်များ

KADADIAN 14:3

Sirampunmi sola nasangi diong lombok Sidim iamotu tasik Ma’sin totemo.

KADADIAN 19:25

Nabaliangammi Puang tu mintu’ kota iato sia mintu’ lili’ Padang sia mintu’ lisa’na kota sia tanan-tananan.

1 DATU 15:20

Napasiolami Benhadad tu kadanna datu Asa, anna suai tu pangulu rarinna ullaoi tu mai kota to Israel, natalomi tu kota Iyon sia Dan sia Abel-Bet-Maakha sia lili’na Kinerot sia mintu’ lili’na tondok Naftali.

YEHEZKIEL 25:9

iamoto manassa la Kulo’bangi tu buntu mennaa’na Moab, naurunganni tae’mo kota dio, tae’ bangmo disesa napomaballo tondok, iamotu Bet-Yesimot, Baal-Meon sia Kiryataim.

KADIBILANGAN 21:20

nadio mai Bamot lu rokko lombok, tu diong padangna Moab, sikandappi’ bottona Pisga, tu untongloi padang talo.

KADIBILANGAN 34:11

Na dio mai Sefam, iatu passaparanna la lu rokko Ribla, rampe matallona Ain; namane passaparan iato lu rokko sia sipeupu’ tasik Kineret dio rampe matallo.

LUKAS 5:1

Den pissan nasisuang-suang tu tau lako Yesu, la umperangii kadanNa Puang Matua, tonna bendan dio randan tasik Genesaret.

YOHANES 6:1

Undinnato malemi tu Yesu lako lamban lianna tasik Galilea, iamo tasik Tiberias.

PA’TOLE 3:17

namane Araba-Yordan sia Yordan sola lili’na randuk dio mai Kineret sae lako tasik Araba, iamotu tasik Ma’sin, dio garonto’ mennaa’na Pisga ma’palulako rampe matallo.

PA’TOLE 4:49

sia mintu’ rante, tu sambalinna lu Yordan dio rampe matallo, sia sae lako tasik Araba, diong garonto’ mennaa’na Pisga.

YOSUA 11:2

sia lako mintu’ datu tu torro Daanna lu dao Buntu, sia diong Araba-Yordan lo’na lu Kinerot, diong Padang Merrantena, sia daona lu mentanetena Dor rampe Matampu’,

YOSUA 13:20

sia Bet-Peor, sia mennaa’na Pisga sia Bet-Yesimot,

YOSUA 15:2

Iatu katonanna lo’na lu randuk dio mai iringna tasik Ma’sin, randuk dio mai tasik mengkoko, tu ma’palusau’na;

YOSUA 15:5

Iatu angge padangna dio rampe matallo iamotu tasik Ma’sin sae lako minanga Yordan. Iatu angge padangna daanna lu randuk dio mai tasik mengkoko dio minanga Yordan;

YOSUA 3:16

pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.