YOSUA 12:1 - Sura' Madatu

¹ Inde sia tu mintu’ datunna tondok tu natalo to Israel sia naala tu padangna rampe matallona Yordan, randuk dio mai salu’-salu’ Arnon sae lako buntu Hermon sia mintu’ lili’na Araba-Yordan ma’palulako rampe matallo.

YOSUA 12:1 ပူးပေါင်းရင်းမြစ်များ

1 DATU 4:19

na Geber, anakna Uri, dio lili’na Gilead, parentana Sihon, datu to Amori, sia Og, datu Basan, sia ia manna to maraya dio tondok iato.

PA’PUDIAN 133:3

Sangtinti to ambun dao mai Hermon, tu undamo’i mintu’ buntunna Sion, belanna inde to Nanii umpasonglo’i PUANG tu rongko’, iamotu katuoan tontong sae lakona.

PA’PUDIAN 136:21

Tu To umpa’ba’gian padangna tau iato mai la torro mana’, belanna iatu kamasokananNa tang tileluk sae lakona.

PA’PUDIAN 89:12

Kamumo puangna langi’ sia Kamu duka puangna lipu daenan; iatu lino sola mintu’ issinna, Kamumo unnotonni tu parandanganna.

YESAYA 16:2

La den attu anna iatu mai anak dara Moab la torro dio kalambanan Arnon, sangtinti to manuk-manuk kaguririk-ririk, susito serang manuk-manuk tisea’-sea’.

KADIBILANGAN 21:13

Indeto dio mai ke’de’omi, nama’tenda dio sambalinna lu Arnon, tu lolong dio padang pangallaran, tu tassu’ dio mai lili’na to Amori, belanna iatu Arnon passaparan kasiallaranna Moab na to Amori.

KADIBILANGAN 21:21

Nasuami to Israel tu sumbungan puduk lako Sihon, datunna to Amori,

KADIBILANGAN 21:24

Napa’dangi to Israel tu tau iato, anna taloi sia naala tu tondokna randuk dio mai Arnon sae lako Yabok, sae lako lili’na to Amon, belanna iatu passaparanna to Amon, matoto’ tongan.

KADIBILANGAN 32:19

Belanna iatu kami tae’ kila unnappa’ taa mana’ sambalinna lu Yordan sia lili’ rampe lakona, ke iami kipotaa mana’ tu rampe matallona Yordan, tu dio kadellekan allo.

KADIBILANGAN 32:32

Kami kalena la sakka’ lamban lako tondok Kanaan dio oloNa PUANG, apa iatu taa mana’ki la sambalinna lu Yordan.

KADIBILANGAN 32:33

Attu iato napa’benganmi Musa lako to Gad sia to Ruben sia lako sangsesena suku Manasye, anakna Yusuf, tu parentana Sihon, datu to Amori, sia parentana Og, datu Basan, sia nataa tu tondok situru’ tu mintu’ kota lan mintu’ lili’na, iamotu mai kotana tondok tiku lao.

PA’TOLE 2:24

Ke’de’mokomi ammi male ullamban salu’-salu’ Arnon. Manassa Kusorong tu Sihon, datunna Hesbon, to Amori, sia tondokna tama kuasammu; la muparanduk unnalai sia urrosoi la sirari.

PA’TOLE 2:32

Tassu’mi umpessitammuiki’, la ia la to budanna, la sirari dio Yahas.

PA’TOLE 3:1

Undinnato tibalikmiki’, anta ke’de’ ma’palulako Basan. Iatu Og, datunna Basan, tassu’ umpessitammuiki’, la ia la iatu mai to budanna, la parari dio Edrei.

PA’TOLE 4:44

Inde sia tu Sukaran aluk, tu napokada Musa dio tingayona to Israel.

PA’TOLE 4:46

iamotu sambalinna lu Yordan diong lombok sitingoan Bet-Peor, lan tondokna Sihon, datu to Amori, tu mangka torro dio Hesbon, tu mangka natalo Musa sola to Israel dio kalingkanna, tonna tassu’ lan mai Mesir,

PA’TOLE 4:48

iamotu dio mai Aroër, tu dio biring salu Arnon sae lako buntu Siryon – iamotu Hermon –

YOSUA 1:15

sae lako mangkanna Nakamasei PUANG katorroan tu mintu’ siulu’mi susi kamu, anna pomana’ dukai tau iato mai tu padang, tu la Nakamaseanni PUANG, Kapenombammi. Mangkato mimane sule lako padang mana’mi ammi pomana’i, tu nabenkomi Musa, taunNa PUANG, sambalinna lu Yordan, dio rampe matallo.

YOSUA 11:17

randuk dio mai Buntu Karing, tu ma’palulangngan Seir sae lako Baal-Gad diong lombok Libanon, diong garonto’ buntu Hermon. Natalomi tu mintu’ datunna sia napatei.

YOSUA 11:3

lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

YOSUA 13:8

Iatu to Ruben sola to Gad mangkamo unnappa’ taa mana’na sola (sangsesena rapu Manasye), tu mangkamo napa’bengan Musa lako tau iato mai samballinna lu Yordan, dio rampe matallo susitu mangka napa’bengan Musa, taunNa PUANG, lako tau iato mai,

YOSUA 22:4

Totemo Nakamaseimo karapasan PUANG, Kapenombammi, tu mintu’ siulu’mi, susitu pangallu’Na lako kalemi. Iamoto melo ke malemokomi sule lako to’ tendami, lako tondok mana’mi, tu nabenkomi Musa, taunNa PUANG, sambalinna lu Yordan.

TO PARENGNGE’ 11:18

Mangkato tarru’ bangmi unnola padang pangallaran ullilingi tondok Edom sia tondok Moab, anna rampo dio rampe matallona tondok Moab sia ma’tenda sambalinna lu salu Arnon, apa tae’ natama lili’na Moab tu tau iato mai, belanna iatu salu Arnon iamo katonanna Moab.