YOSUA 11:8 - Sura' Madatu

⁸ Nasorongmi PUANG tama limanna to Israel anna taloi sia naula’ sae lako Sidon-Kapua sia sae lako Misrefot-Maim, sia sae lako lombok Mizpa ma’palulako matallo. Napateimi tu tau iato, moi misa’ tae’ nalussuran.

YOSUA 11:8 ပူးပေါင်းရင်းမြစ်များ

KADADIAN 10:15

Kanaan undadian Sidon, iamo anak pa’bunga’na na Het,

KADADIAN 49:13

Iatu Zebulon la torro dio biring tasik, dio biring tasik nanii kappala’, sia umpopollo’ Sidon.

2 SAMUEL 24:6

Saemi tu tau iato mai lako Gilead sia lako padang Kadesh dio tondok to Het, natarru’ lako Dan, sia ma’lele-lele namane rampo lako Sidon.

YESAYA 23:4

Sipatuko masiri’, e Sidon, belanna nakua tu tasik, tu tondok tasik kumua: Tae’ bangpa angku mangurria’, tae’ bangpa angku kianak, tae’ bangpa angku pelobo’i pia muane, tae’ bangpa angku daranai pia baine.

ZAKHARIA 9:2

ondongpi ia duka tu Hamat, tu nasikandean sia iatu Tirus sola Sidon, moi nasangtumba madaona tu kapaissananna,

PA’TOLE 7:2

sia iake Nasorongammoko PUANG, Kapenombammu, tu tau iato mai, ammu taloi, manassa la musabu’i nasang. Da musibasse tau iato sia da mukamasei.

PA’TOLE 9:3

Totemo la mutandai, kumua iatu PUANG, Kapenombammu, undoloangko, susito api ma’pamampu’; la Nasanggang tu tau iato mai sia Natalo dio pentiromu; susimoto la madomi’ko unnalai tu lili’na mupoapai, sia la musabu’i tu tau iato, susitu mangka Napokada PUANG lako kalemu.

YOSUA 10:20

Iatu Yosua sola mintu’ to Israel napissanni untaloi tu tau iato mai, naurungan mangsan nasang, apa den duka sia tu ba’tu pira-pira tilendok namale tama kota ditambakuku.

YOSUA 11:3

lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

YOSUA 11:7

Saemi tu Yosua sola mintu’ surodadu nasolan tang dikapang-kapang untu’ba’i tu tau iato mai dio to’ limbong sikandappi’ Merom, anna laoi.

YOSUA 13:6

mintu’ tu to untorroi buntu Libanon sae lako Misrefot-Maim sia mintu’ to Sidon. Aku la urambai dio mai tingayona to Israel; la musua ma’loterei tu to Israel untaa-taai tu padang la napomana’, susitu mangka Kupasan lako kalemu.

YOSUA 19:28

sia Ebron, Rehob, Hamon na Kana sae lako Sidon-Kapua.

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.