YOSUA 11:4 - Sura' Madatu

⁴ Tassu’mi tu tau iato mai sola mintu’ surodadunna tu nasolan, lendu’ budanna, susito karangan dio biring tasik sia iatu mai darang sia kareta lendu’ budanna.

YOSUA 11:4 ပူးပေါင်းရင်းမြစ်များ

KADADIAN 22:17

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna.

KADADIAN 32:12

Tang susiraka te tu kadanNa Puang kumua: Manassa la Kupatiroiko melo sia iatu bati’mu la Kupapada karangan diong biring tasik, tu tang dikemba’ dibilang?

2 SAMUEL 17:11

Apa iake timbangangku, melo ke dirampunni tu mintu’ to Israel randuk daa mai Dan sae sau’ Bersyeba, susi karangan dio biring tasik, na puangku kalena duka la male sola parari.

1 DATU 4:20

Iatu bilangan to Israel sia to Yehuda susi karangan dio biring tasik budanna; iatu tau iato mai kumande sia mangiru’ sia parannu-rannu.

PA’PUDIAN 20:8

Den tu tau ussattuan kareta, sia den ussattuan darang, apa iatu kita ussattuangki’ sanganNa PUANG Kapenombanta.

YOSUA 11:5

Sirampunmi tu mintu’ datu iato napada sae ma’tenda dio to’ salu’-salu’na Merom, la urrarii to Israel.

TO PARENGNGE’ 7:12

Iatu mintu to Midian sia to Amalek sia mintu’ suku dio mai matallo ma’tenda diong lu lombok, lendu’ budanna susito batik, sia iatu untana tang dikemba’ dibilang, iatu budanna susi bang to karangan dio lu biring tasik.

1 SAMUEL 13:5

Iatu mintu’ to Filistin sirampunmo la sirari to Israel; iatu kareta pararinna den tallungsa’bu anna iatu pakkanarangna annan sa’bunna na iatu lumingkanna susito karangan dio biring tasik. Ke’de’mi tu tau iato mai sola nasang, anna pabendan tendana dio Mikhmas rampe matallona Bet-Awen.