YOSUA 11:3 - Sura' Madatu

³ lako to Kanaan tu dio rampe Matallo sia rampe Matampu’, sia lako to Amori, to Het, to Feris, to Yebus tu dao lu buntu, sia to Hewi, tu diong se’pon Hermon, dio lili’na Mizpa.

YOSUA 11:3 ပူးပေါင်းရင်းမြစ်များ

KADADIAN 31:49

Sia nasangai siapa Mizpa, belanna nakua: La Nakanandaiki’ PUANG patomalinta, ke tang sikitanammiki’.

2 SAMUEL 24:16

Iatonna e’te’mi malaeka’ tu limanna langngan Yerusalem, la ussanggangi, Napenassannimi PUANG tu kamandasan iato. Nakuami lako malaeka’ tu umparampo kasanggangan dio lu pa’tondokan: Silasamo to! Riu’mi sule tu limammu. Attu iato, iatu malaeka’ bendan sikandappi’ panglulluranna Arauna, to Yebus.

2 SAMUEL 24:7

Rampomi tu tau iato mai lako bentengna Tirus sia lako kotana to Hewi sia to Kanaan, anna rampo lako padang rampe lo’na lu dio Bersyeba.

1 DATU 15:22

Napesuammi datu Asa unnarak mintu’ to Yehuda, moi misa’ tae’ tau torro; iatu batu sia kayu napake Baesa umbenteng Rama, nabaa nasang tau iato, na apa iamoto tu napake datu Asa umbenteng Geba lan lili’na Benyamin sia Mizpa.

1 DATU 9:20

Mintu’ tu to Amori torronapa sia to Het sia to Feris sia to Hewi sia to Yebus, tu tangia bati’ to Israel,

PA’PUDIAN 133:3

Sangtinti to ambun dao mai Hermon, tu undamo’i mintu’ buntunna Sion, belanna inde to Nanii umpasonglo’i PUANG tu rongko’, iamotu katuoan tontong sae lakona.

PA’PUDIAN 89:12

Kamumo puangna langi’ sia Kamu duka puangna lipu daenan; iatu lino sola mintu’ issinna, Kamumo unnotonni tu parandanganna.

PA’TENDENG BALLO 4:8

Songlo’ko mai dao mai Libanon, e dodo’ sangkalamma’ku, songlo’ko dao mai Libanon, songlo’ko dao mai botto Amana, dao mai botto Senir sia dao mai Hermon, tu nanii lo’ko’ singa, tu buntu natorroi arimau buluh.

YEREMIA 40:10

Na iatu aku, manassa la torrona’ dio Mizpa, susito maraa dio tingayona to Kasdim, tu sae lako kaleta; apa iate kamu, mebua anggoro’komi sia mebua-buakomi sia urrampunkomi minna’ sia patamai pa’paniammi, ammi torro lan lu mintu’ kotami, tu la minii tontong torro.

YEREMIA 40:6

Susimoto tu kasaeanna Yeremia lako Gedalya, anakna Ahikam, dio Mizpa, anna torro sola dio lu to buda, tu torrona siapa dio padang iato.

YEREMIA 41:14

Sia iatu mintu’ to buda narampa Ismael dio Mizpa, tibalikmo anna sule lako Yohanan, anakna Kareah.

YEREMIA 41:3

Sia napatei duka Ismael tu mintu’ to Yehuda nasolan, iamotu nasolan Gedalya dio Mizpa, sia iatu mintu’ surodadu to Kasdim, tu torro dio.

KADIBILANGAN 13:29

Iatu Padang lo’na lu nanii ma’tondok to Amalek, iatu padang ma’buntunna nanii ma’tondok to Het, to Yebus sia to Amori, nadio ma’biring tasikna sia dio randan salu Yordan nanii to Kanaan.

PA’TOLE 4:48

iamotu dio mai Aroër, tu dio biring salu Arnon sae lako buntu Siryon – iamotu Hermon –

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

YOSUA 11:17

randuk dio mai Buntu Karing, tu ma’palulangngan Seir sae lako Baal-Gad diong lombok Libanon, diong garonto’ buntu Hermon. Natalomi tu mintu’ datunna sia napatei.

YOSUA 11:8

Nasorongmi PUANG tama limanna to Israel anna taloi sia naula’ sae lako Sidon-Kapua sia sae lako Misrefot-Maim, sia sae lako lombok Mizpa ma’palulako matallo. Napateimi tu tau iato, moi misa’ tae’ nalussuran.

YOSUA 13:11

sia Gilead sia lili’na to Gesur sia to Maakha sia mintu’ buntu Hermon sia mintu’ Basan sae lako Salkha,

YOSUA 13:5

sia padang to Gebal sia mintu’ Libanon rampe matallo, randuk dio mai Baal-Gad, tu diong garonto’ buntu Hermon, sae lako batatta lu tama Hamat;

YOSUA 15:38

Dilean, Mizpa, Yokteel,

YOSUA 15:63

Apa tae’ nakulle to Yehuda unnula’i tu to Yebus, tu umpa’tondokki Yerusalem; iamoto natorro ma’tondok tu to Yebus sola to Yehuda dio Yerusalem sae lako allo iate.

YOSUA 18:26

Mizpa, Kefira, Moza,

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

TO PARENGNGE’ 20:1

Ta’kala pada sunmi tu mintu’ to Israel; randuk dio mai Dan sae lako Bersyeba sia dio duka mai tondok Gilead sirampun sae butung to misa’ri, mennolo lako PUANG dio Mizpa.

TO PARENGNGE’ 21:5

Ma’kadami tu to Israel nakua: Mindara dio mai mintu’ suku to Israel tu tae’ nasae lako kombongan, la umpennoloi PUANG? Belanna umpalaomo sumpa kapua tu tau iato mai untampakki ropu minda-minda tu tang sae lako PUANG dio Mizpa, kumua: Manassa la dipatei.

TO PARENGNGE’ 21:8

Iamoto nama’kada tu tau iato mai nakua: Denraka misa’ dio mai mintu’ suku to Israel tu tae’ nasae mennolo lako PUANG dio Mizpa? Payanmi kumua dio mai Yabesh, lili’na Gilead, moi misa’ tau tae’ sae lako to’ tenda, lako tu kombongan.

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.

TO PARENGNGE’ 3:5

Ma’tondokmi tu to Israel dio lu to Kanaan, to Het, to Amori, to Feris, to Hewi na to Yebus;

1 SAMUEL 10:17

Mangkato natambaimi Samuel tu mintu’ tau sirampun lako PUANG dio Mizpa,