YOSUA 11:2 - Sura' Madatu

² sia lako mintu’ datu tu torro Daanna lu dao Buntu, sia diong Araba-Yordan lo’na lu Kinerot, diong Padang Merrantena, sia daona lu mentanetena Dor rampe Matampu’,

YOSUA 11:2 ပူးပေါင်းရင်းမြစ်များ

1 DATU 15:20

Napasiolami Benhadad tu kadanna datu Asa, anna suai tu pangulu rarinna ullaoi tu mai kota to Israel, natalomi tu kota Iyon sia Dan sia Abel-Bet-Maakha sia lili’na Kinerot sia mintu’ lili’na tondok Naftali.

1 DATU 4:11

na Ben-Abinadab umparenta Dor tu mentanetena, iamoto tu umpobaine Tafat, anakna Salomo;

KADIBILANGAN 34:11

Na dio mai Sefam, iatu passaparanna la lu rokko Ribla, rampe matallona Ain; namane passaparan iato lu rokko sia sipeupu’ tasik Kineret dio rampe matallo.

LUKAS 1:39

Iato allo iato ke’de’ bangsiami tu Maria namale tikara-kara lako misa’ tondok mentanete dio Yehuda.

LUKAS 5:1

Den pissan nasisuang-suang tu tau lako Yesu, la umperangii kadanNa Puang Matua, tonna bendan dio randan tasik Genesaret.

YOSUA 10:40

Susimo kanataloanna Yosua to tu mintu’ tondok, iamotu tondok dao lu buntu sia Padang Rampe sau’na sia iatu Padang Merrantena sia iatu mennaa’na sia mintu’ datunna; moi misa’ tae’ bang nalussuran, sangadinna nasabu’i nasang tu mintu’ kepenaanna butung pepayu, situru’ tu pepasanNa PUANG, Kapenombanna to Israel.

YOSUA 10:6

Pakalan mesuami to Gibeon lako Yosua dio to’ tenda dio Gilgal, nakua: Da misa’biangangkan te kami taummi, sangadinna la rampokomi madomi’ ullendokangkan sia untunduikan, belanna iatu mintu’ datu to Amori tu torro dao lu buntu, sirampunmo la ullaoikan.

YOSUA 11:16

Susimoto tu kanataloanna Yosua tu mintu’ tondok iato, tu Tondok ma’buntunna, sia mintu’ Tondok lo’na lu, sia mintu’ Tondok Gosyen, sia Padang Merrantena, sia Araba-Yordan, sia Buntunna Israel sola Padang Merrantena;

YOSUA 11:21

Attu ia dukato saemi tu Yosua umpisanni to Enak dao mai buntu sia dio mai Hebron, Debir na Anab, dao mai mintu’ buntu Yehuda sia dao mai mintu’ buntu Israel. Iatu tau iato mai sia kotana nasabu’i nasang Yosua butung pepayu.

YOSUA 12:23

datu Dor sikandappi’ mentanetena dao Dor: misa’; datu Goyim sikandappi’ Galilea: misa’;

YOSUA 12:3

sia Araba-Yordan sae lako rampe matallo tasik Kinerot sia sae lako rampe matallo tasik Araba, iamo tu tasik Ma’sin, ma’palulako Bet-Yesimot sia rampe lu sau’na diong garonto’ mennaa’na Pisga.

YOSUA 13:27

sia diong lombok: Bet-Haram, Bet-Nimra, Sukot sia Zafon, tu torronapa parentana Sihon, datu Hesbon; sia Yordan sola randananna sae lako tampakna tasik Kineret, dio sambalinna lu Yordan, rampe matallo.

YOSUA 17:11

Iatu kota lan Isakhar sia lan Asyer tu napotaa Manasye, iamotu Bet-Sean sola lili’na, Yibleam sola lili’na, to torro dio Dor sola lili’na, to torro dio En-Dor sola lili’na, to torro dio Taanakh sola lili’na sia to torro dio Megido sola lili’na, iamotu tallu tondok ma’tanete.

TO PARENGNGE’ 1:27

Iatu Manasye tae’ naula’i tu to Bet-Sean sola to lan lili’na sia to Taanakh sola to lan lili’na sia to umpa’tondokki Dor sola lili’na sia to umpa’tondokki Yibleam sola lili’na sia to umpa’tondokki Megido sola lili’na, naurungan iatu to Kanaan ma’dinpa torro ma’tondok dio tondok iato.