YOSUA 11:12 - Sura' Madatu

¹² Sia natalo Yosua tu mintu’ kotana datu iate sia mintu’ datunna, sia napatei pa’dang, sia nasabu’i butung pepayu, susitu napasan Musa, taunNa PUANG.

YOSUA 11:12 ပူးပေါင်းရင်းမြစ်များ

PA’TOLE 7:2

sia iake Nasorongammoko PUANG, Kapenombammu, tu tau iato mai, ammu taloi, manassa la musabu’i nasang. Da musibasse tau iato sia da mukamasei.

PA’TOLE 9:3

Totemo la mutandai, kumua iatu PUANG, Kapenombammu, undoloangko, susito api ma’pamampu’; la Nasanggang tu tau iato mai sia Natalo dio pentiromu; susimoto la madomi’ko unnalai tu lili’na mupoapai, sia la musabu’i tu tau iato, susitu mangka Napokada PUANG lako kalemu.

YOSUA 10:20

Iatu Yosua sola mintu’ to Israel napissanni untaloi tu tau iato mai, naurungan mangsan nasang, apa den duka sia tu ba’tu pira-pira tilendok namale tama kota ditambakuku.

YOSUA 10:28

Allo ia dukato nataloi Yosua tu kota Makeda, napatei pa’dang tu mintu’ tau lan sia ia duka tu datunna; nasabu’i tu mintu’ issinna sia mintu’ kepenaanna lan butung pepayu, moi misa’ tae’ nalussuran sia nagau’ tu datu Makeda susitu penggauranna lako datu Yerikho.

YOSUA 10:30

Nasorong dukami PUANG tu kota iato sia datunna tama limanna to Israel. Napatei pa’dang tu mintu’ issinna sia mintu’ kepenaanna lan; moi misa’ tae’ nalussuran sia nagau’ tu datunna susitu penggauranna lako datu Yerikho.

YOSUA 10:32

Nasorongmi PUANG tu Lakhis tama kuasanna to Israel; natalomi tonna allo ma’penduan sia napatei pa’dang tu mintu’ issinna, iamotu mintu’ kepenaanna lan, susitu mintu’na mangka napogau’ lako Libna.

YOSUA 10:35

Natalomi tonna allo ia bangsiamoto sia napatei pa’dang tu mintu’ issinna; iatu mintu’ kepenaanna lan nasabu’i butung pepayu tonna allo iato, susitu mintu’na mangka napogau’ lako Lakhis.

YOSUA 10:37

Natalomi sia napatei pa’dang tu mintu’ issinna, susi duka tu datunna sia mintu’ kotana sia mintu’ kepenaanna lan; moi misa’ tae’ nadilussuran, susitu mintu’na mangka napogau’ lako Eglon; nasabu’i nasang tu mintu’ issinna sia mintu’ kepenaanna lan butung pepayu.

YOSUA 11:13

Apa iatu kota dao lu tanetena tae’ naballai to Israel, sangadinna Hazor manna tu pura naballa Yosua.

YOSUA 11:15

Susitu mangka Napasan PUANG lako Musa, taunNa, susi dukato tu napasan Musa lako Yosua, sia napogau’mo Yosua susito; moi misa’ tae’ napasalai tu mintu’ kadanNa PUANG lako Musa.

YOSUA 13:6

mintu’ tu to untorroi buntu Libanon sae lako Misrefot-Maim sia mintu’ to Sidon. Aku la urambai dio mai tingayona to Israel; la musua ma’loterei tu to Israel untaa-taai tu padang la napomana’, susitu mangka Kupasan lako kalemu.

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.

YOSUA 8:31

susitu napasan Musa, taunNa PUANG, lako to Israel, situru’ tu apa disura’ lan sura’ Sukaran alukna Musa; iamotu misa’ inan pemalaran dio mai batu tang dipa’, tu tae’pa nadiparumbui bassi lako. Dao inan pemalaran iato dinii umpemalaran pemala’ ditunu pu’pu’ lako PUANG sia untunu pemala’ kasalamaran.

YOSUA 8:8

Iammi mangkamo untaloi tu kota iato, la miballa; la mipogau’ tu iannato susi kadanNa PUANG; manassa iamote tu pepasanku lako kalemi.

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.