YOSUA 10:8 - Sura' Madatu

⁸ Ma’kadami PUANG lako Yosua, Nakua: Da mukataku’i tu tau iato mai, belanna la Kusorong tama kuasammu, moi misa’ tu tau iato tang nasara bendan dio tingayomu.

YOSUA 10:8 ပူးပေါင်းရင်းမြစ်များ

1 DATU 20:13

Pakalan anna sae tu misa’ nabi umpentireke’i Ahab, datu to Israel, nama’kada nakua: Inde sia tu kadanNa PUANG: Mutiromoraka tu to buda mamak bang? Manassa allo iate Kusorongi tama limammu, ammu issanni kumua Akumo tu PUANG.

ROMA 8:31

Totemo apara la takua diona tu mintu’nato? Iake sisolaki’ Puang Matua mindapa la umbaliki?

PA’TOLE 3:2

Apa ma’kada tu PUANG lako kaleku Nakua: Da mukataku’i, belanna la Kusorong sola mintu’ to budanna sia tondokna tama kuasammu, ammu pogau’i lako kalena susitu mugauran Sihon, datu to Amori, tu umpa’tondokki Hesbon.

PA’TOLE 7:24

Iatu mai datunna la Nasorong tama kuasammu, muurungan umpa’dei tu sanganna lan mai nasambo langi’. Moi misa’ tau tang naatta unneako sae lako musanggangi nasang.

YOSUA 10:25

Ma’kadami tu Yosua lako, nakua: Da mimataku’, da mimasussa, sangadinna la batta’komi sia lalong, belanna susimoto tu penggauranNa PUANG lako mintu’ te uali mirarii.

YOSUA 10:9

Tang dikapang-kapang tu Yosua nalaoi tu tau iato mai, belanna situ’turan bongi lumingka dio mai Gilgal.

YOSUA 11:6

Ma’kadami tu PUANG lako Yosua, Nakua: Da mukataku’i tu tau iato mai, belanna masiang attu susite la Kusorong nasang natalo to Israel; iatu mai darang la muka’tu ura’ lentekna sia la muballa tu mintu’ karetana.

YOSUA 8:1

Ta’kala ma’kadami tu PUANG lako Yosua, Nakua: Da mumataku’ sia da mutiramban! Solanni tu mintu’ surodadu, ammu ke’de’ ullaoi Ai. Manassa la Kusorong tama limammu tu datu Ai, sia mintu’ taunna sia kotana sia tondokna.

TO PARENGNGE’ 6:16

Ma’kadami PUANG lako Nakua: Manassa Aku urrondongko, iamoto la mutalo tu mintu’ to Midian susito misa’ri.

TO PARENGNGE’ 7:9

Bongi iato ma’kadami tu PUANG lako Gideon, Nakua: Millikmoko, murokko ullaoi tama tu to’ tenda surodadu, belanna Kusorongmo tama limammu.

1 SAMUEL 17:47

Sia mintu’ kombongan iate la unnissanni tu diona PUANG umpaden kapataloan tae’ natete dio pa’dang sia doke, sangadinna iatu rari PUANG umpoissanni sia Ia duka la ussorongkomi tama limangki.