YOSUA 10:41 - Sura' Madatu

⁴¹ Natalomi Yosua tu tau iato mai randuk dio mai Kadesh-Barnea sae lako Gaza, sia mintu’ tondok Gosyen sae lako Gibeon.

YOSUA 10:41 ပူးပေါင်းရင်းမြစ်များ

KADADIAN 10:19

Iatu angge tondok to Kanaan dio mai Sidon ma’palulako Gerar sae lako Gaza sia ma’palulako Sodom na Gomora sia Adma sia Zeboim sae lako Lasa.

1 DATU 3:5

Dio Gibeon ombo’mo tu PUANG lako Salomo lan tindona tonna ibongi, sia ma’kada tu Puang Matua Nakua: Palakui apara tu la Kubenko?

ZAKHARIA 9:5

La natiro Askelon anna mataku’, susi duka tu Gaza anna ma’parondo sia Ekron, belanna iatu apa narannuan la dipakasiri’; attu iato iatu datu la pa’de dio mai Gaza sia iatu Askelon tae’mo tau la untorroi.

KADIBILANGAN 13:26

Ke’de’mi tu tau male anna pellambi’i tu Musa sola Harun sia mintu’ kasirampunanna to Israel dio Kadesh, lan padang pangallaran Paran, anna parampoi tu kareba lako mintu’ kasirampunan sia napa’petiroan tu bua kayu nabaa dio mai tondok iato.

KADIBILANGAN 32:8

Susi duka tu gau’na tu ambe’mi tongku suai dio mai Kadesh-Barnea la umparessai tu tondok.

KADIBILANGAN 34:4

Anna tibangko tu passaparanna randuk dio mai rampe lo’na lu ma’palulako sapa’ Te’tek buku, tarru’ lako Zin sia iatu tampakna la rampe sau’ Kadesh-Barnea, natarru’ lako Hazar-Adar sia tarru’ lako Azmon.

PENGGAURANNA RASULU’ 8:26

Denmi misa’ malaeka’Na Puang ma’kada lako Filipus nakua: Ke’de’ko mumale sau’ unnola lalan dao mai Yerusalem rokko Gaza; lalan iato kasalan.

PA’TOLE 1:19

Attu iato anta ke’de’ dio mai Horeb sia talendu’i tu padang pangallaran malona’ sia metakuran, tu mangka mitiro, ma’palulako padang ma’buntunna to Amori, susitu mangka Napepasanan PUANG, Kapenombanta, lako kaleta, anta rampo lako Kadesh-Barnea.

PA’TOLE 2:23

Iatu to Kaftor, tu sae dio mai Kaftor, ussanggangmo to Awi, tu ma’kampong sae lako Gaza, anna ma’tondok dio ussondai tu tau iato.

PA’TOLE 9:23

Iatonna suakomi PUANG dio mai Kadesh-Barnea, anNa pasankomi, kumua: Ke’de’komi, ammi alai tu tondok mipoapa, tu mangka Kusorong lako kalemi – attu iato mibali tu parentaNa PUANG, Kapenombammi, iamotu tae’ mipatonganni sia tae’ miperangii tu gamaranNa.

YOSUA 10:12

Attu iato ma’kadami Yosua lako PUANG to allo Nanii PUANG ussorong mintu’ to Amori lako to Israel sia ma’kada dio tingayona to Israel, nakua: E! matanna allo, tadangko dio Gibeon, sia iko e! bulan, diong lombok Ayalon!

YOSUA 10:2

Mataku’ tonganmi tu tau iato, belanna iatu Gibeon kota kapua, susi misa’ kota kadatuan, mandu kapua ia na Ai, sia mintu’ taunna muane lalong nasang.

YOSUA 11:16

Susimoto tu kanataloanna Yosua tu mintu’ tondok iato, tu Tondok ma’buntunna, sia mintu’ Tondok lo’na lu, sia mintu’ Tondok Gosyen, sia Padang Merrantena, sia Araba-Yordan, sia Buntunna Israel sola Padang Merrantena;

YOSUA 11:22

Moi misa’ tu to Enak tae’ bangmo torro lan lu tondok Israel, sangadinna dio mannamo Gaza sia dio Gat sia dio Asdod nanii torro.

YOSUA 15:51

Gosyen, Holon sia Gilo; mintu’ tu kota iato sangpulo misa sola kampongna;

TO PARENGNGE’ 16:1

Den pissan namale tu Simson lako Gaza, natiroi inde to dio tu misa’ baine kadake gau’, namale umpellambi’i.

TO PARENGNGE’ 16:21

Natingkanmi to Filistin, nasu’be’i patomalii tu matanna, anna solanni lako Gaza, napungoi da’dua rante tambaga, sia diparuku unggirikki tu batu pangrissoan lan pa’tarungkuan.

1 SAMUEL 6:17

Iamote tu mintu’ bundang bulaan, tu nasorong to Filistin lako PUANG la ullendokan kasalan, iamotu Asdod sangbatu, Gaza sangbatu, Askelon sangbatu, Gat sangbatu na Ekron sangbatu.