YOSUA 10:4 - Sura' Madatu

⁴ Ke’de’komi mai ammi tunduina’, anta taloi tu Gibeon, belanna sikaelomo Yosua sia mintu’ to Israel.

YOSUA 10:4 ပူးပေါင်းရင်းမြစ်များ

MATIUS 16:24

Tonna iato Nakuami Yesu lako anak gurunNa: Iake denni tau la morai undi urrundu’Na’, la ussa’biangan kalena sia unnendekan kayu pea’ta’na, naundi urrundu’Na’.

YOHANES 15:19

Iakenna alakomi bilangan lan te lino, sipatu tu lino unnala mase apanna, apa belanna tae’ naalakomi bilangan lan te lino, sangadinna mangkamokomi Kupilei lan mai te lino, iamoto anna kabiri’komi te lino.

PENGGAURANNA RASULU’ 21:28

sia metamba-tamba, nakua: E kamu mintu’ to Israel, tunduimokan! Indemo tu to unnada’i mintu’ tau, tu tae’ tang nanii umbelle’i tau sia Sukaran aluk sia iate inan iate. Sia ba’tu pira-piramo to Yunani nasolan tama Banua Kabusungan, sia naruttakki te inan maindan iate.

2 TIMOTIUS 3:12

Ondongpi, mintu’ tu to la morai tuo mengkaola lako Puang Matua lan Kristus Yesu, la narampoi kadipakario-rioan.

YAKOBUS 4:4

E kamu tu dipasitinti to ma’gau’ sala, tae’raka mitandai kumua kasiporaian lino iate, iamo kasiualian Puang Matua? Iamoto minda-minda morai la siporai lino iate, iamo mendadi ualinNa Puang Matua.

YOSUA 10:1

Narangimi Adoni-Zedek, datu Yerusalem kumua natalomo sia nasabu’i Yosua tu Ai butung pepayu – susitu napogau’ lako Yerikho sola datunna, susi dukamoto napogau’ lako Ai sia datunna – sia mintu’ to Gibeon sikaelomo to Israel natorromo dio lu tu tau iato mai.

YOSUA 10:5

Iamoto sirampunmi te lima datu to Amori anna ke’de’, iamo tu datu Yerusalem, datu Hebron, datu Yarmut, datu Lakhis sia datu Eglon sola mintu’ surodadunna, napatama limbui tu Gibeon sia nararii.

YOSUA 9:15

Sikadamakmi Yosua tu tau iato mai sia naallu’ la umpatuoi, sia iatu mintu’ pangulu kasirampunan umpalao sumpa la maruru’ lako kalena.

1 PETRUS 4:4

Lan tu iannato mangnga untangnga’komi, kumua tae’ ammi turu’ sisola tau iato mai rokko liku tang penggauran ia dukato, naurunganni umpalele bekokomi;

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.