YOSUA 10:3 - Sura' Madatu

³ Iamoto mesuami tu Adoni-Zedek, datu Yerusalem, lako Hoham, datu Hebron, sia lako Piream, datu Yarmut, sia lako Yafia, datu Lakhis sia lako Debir, datu Eglon, nakua:

YOSUA 10:3 ပူးပေါင်းရင်းမြစ်များ

KADADIAN 23:2

Matemi tu Sara dio Kiryat-Arba, iamotu Hebron lan lili’ Kanaan; anna sae tu Abraham umbatingi sia untangi’i.

KADADIAN 37:14

Ma’kadami tu Yakub lako Yusuf nakua: Laoko untiroi tu siulu’mu ba’tu la malaga’-laga’ siai sola tu mai mintu’ domba sia bembe’, ammu sule umpokadanna’. Susimoto tu Yakub ussuai dio mai rante Hebron, anna sae lako Sikhem.

2 SAMUEL 2:11

Iatu mintu’ attu kama’parentanna Daud dio Hebron undatui suku Yehuda pitung taun annan bulanna.

2 DATU 18:14

Ussuami pesua tu Hizkia, datu Yehuda, lako datu Asyur dio Lakhis, nakua: Salamo’; serekomi dio mai kaleku, na apa-apa tu mipapassananna’ la kupassan. Napapassannimi datu Asyur tu Hizkia, datu Yehuda, tallu ratu’ talenta salaka na tallungpulo talenta bulaan.

2 DATU 18:17

Mangkato nasuami datu Asyur tu kamandang ma’iringanna sia pangulu to mase’ponna datu sia kamandang lompo dio mai Lakhis sola sangtuntunan surodadu matoto’ lako Yerusalem, lako datu Hizkia. Ke’de’mi tu tau iato mai anna rampo lako Yerusalem. Iatonna rampomo, ma’kaponanmi sikandappi’ saruran limbong iringna dao dio lalan ma’palulakona padang pamusoran sampin bulu domba.

2 OSSORANNA DATU 11:9

sia Adoraim sia Lakhis sia Azeka,

YEREMIA 34:7

tonna marassan tu surodaduanna datu Babel urrarii Yerusalem sia iatu mai kota Yehuda tu torronapa iamotu Lakhis sia Aseka, belanna ia mannamo te mai tu kota Yehuda ditambakuku tu torronapa.

MIKHA 1:13

Papasangi kareta tu darang, e to Lakhis. Iamo tiparandukna kasalanna anak dara Sion, belanna lan kalemu dinii unnappa’i tu kapatodo-tintinganna Israel.

KADIBILANGAN 13:22

Iatonna ke’de’mo tu tau unnola Padang lo’na lu, rampomi lako Hebron; inde to dio nanii ma’tondok tu bati’na Enak, iamotu Ahiman, Sesai na Talmai. Iatu Hebron pitung taunmo dolona dibangun namane Soan dio Mesir.

YOSUA 10:1

Narangimi Adoni-Zedek, datu Yerusalem kumua natalomo sia nasabu’i Yosua tu Ai butung pepayu – susitu napogau’ lako Yerikho sola datunna, susi dukamoto napogau’ lako Ai sia datunna – sia mintu’ to Gibeon sikaelomo to Israel natorromo dio lu tu tau iato mai.

YOSUA 10:23

Napogau’mi tau susito, napatassu’i tu datu lima lan mai lo’ko’, nasolanni lako kalena, iamo tu datu Yerusalem, datu Hebron, datu Yarmut, datu Lakhis na datu Eglon.

YOSUA 10:34

Mangkato tarru’ liumi male tu Yosua sia mintu’ to Israel nasolan dio mai Lakhis lako Eglon, anna patama limbui sia nararii tu tau iato mai.

YOSUA 10:5

Iamoto sirampunmi te lima datu to Amori anna ke’de’, iamo tu datu Yerusalem, datu Hebron, datu Yarmut, datu Lakhis sia datu Eglon sola mintu’ surodadunna, napatama limbui tu Gibeon sia nararii.

YOSUA 14:15

Iatu Hebron dolona disanga Kiryat-Arba; iatu Arba misa’ to ma’iringanna kapua dio to Enak. Marampa’mi tu tondok dio mai tananan ra’.

YOSUA 15:54

Humta, Kiryat-Arba, iamo tu Hebron, sia Zior; mintu’ tu kota iato kasera sola kampongna;

YOSUA 15:63

Apa tae’ nakulle to Yehuda unnula’i tu to Yebus, tu umpa’tondokki Yerusalem; iamoto natorro ma’tondok tu to Yebus sola to Yehuda dio Yerusalem sae lako allo iate.

YOSUA 18:28

Zela, Elef, Yebus, iamotu Yerusalem, Gibeat na Kiryat. Mintu’na to sangpulo a’pa’ tu kota sola kampongna. Iamoto tu taa mana’na to Benyamin unturu’ pa’rapuanna.