YOSUA 10:2 - Sura' Madatu

² Mataku’ tonganmi tu tau iato, belanna iatu Gibeon kota kapua, susi misa’ kota kadatuan, mandu kapua ia na Ai, sia mintu’ taunna muane lalong nasang.

YOSUA 10:2 ပူးပေါင်းရင်းမြစ်များ

2 SAMUEL 12:26

Naloimi Yoab tu tondok Raba to Amon, anna taloi tu kota datu.

SARAMBU PEADA’ 10:24

Iatu apa nakataku’ to tang mekaaluk, iamo la urrampoi, apa Puang umpa’kamasean apa nakabarii to malambu’.

PA’TOLE 11:25

Moi misa’ tau tae’ unnattai unneakomi; iatu PUANG, Kapenombammi, la umparampoi katirambanan sia kamatakuran tu mintu’ tondok milese, susitu mangka Naallu’ lako kalemi.

PA’TOLE 2:25

Allo iate Kuparandukki umparampoi katirambanan sia kamatakuran tu mintu’ bangsa nasambo langi’, anna kataku’komi, naurungan ma’parondo sia ma’pagu’gu’ ungkataku’komi, ke narangimi tu kareba diona kamu.

PA’TOLE 28:10

Iake susito iatu mintu’ bangsa dao kuli’na padang la untiroi, kumua disa’burammoko tu sanganNa PUANG, anna mataku’ tu tau iato lako kalemu.

IBRANI 10:27

sangadinna ukungan masang la ditayan sia palla api la unnimbakanni tu mintu’ to unnea.

IBRANI 10:31

Masang, ke tobangi tu tau tama limanNa Puang Matua matontongan.

YOSUA 2:24

Ma’kadami lako Yosua, nakua: Tonganna Nasorongmo PUANG te mintu’ tondok iate tama limanta, belanna ma’parondomo tu mintu’ to lan tondok iato ungkataku’ki’.

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.

YOSUA 9:3

Apa iatonna rangimi to Gibeon tu apa mangka napogau’ Yosua lako Yerikho sia Ai,

1 SAMUEL 27:5

Nakuami Daud lako Akhis: Iake den siai mamasemi lako kaleku, mibenna’ inan sala umbanna misa’ lan kota iate, angku nii ma’tondok, belanna ma’apai angku la torro sola puang lan te kota kadatuan?