YOSUA 10:12 - Sura' Madatu

¹² Attu iato ma’kadami Yosua lako PUANG to allo Nanii PUANG ussorong mintu’ to Amori lako to Israel sia ma’kada dio tingayona to Israel, nakua: E! matanna allo, tadangko dio Gibeon, sia iko e! bulan, diong lombok Ayalon!

YOSUA 10:12 ပူးပေါင်းရင်းမြစ်များ

2 SAMUEL 2:12

Den pissan tassu’mi tu Abner, anakna Ner, sola surodadunna Ishboset, anakna Saul, dio mai Mahanaim lako Gibeon.

2 DATU 20:10

Nakuami tu Hizkia: Maraa tu bayo-bayo male rokko sangpulo pellesean; tae’ nasusito, sangadinna la sorong boko’ tu bayo-bayo sangpulo pellesean.

2 DATU 20:11

Metambami tu nabi Yesaya lako PUANG, Nakondorammi sule sangpulo pellesean tu bayo-bayo solo’mo dio pellesean eranna Ahas.

2 DATU 20:9

Mebalimi Yesaya nakua: Iamote tu la dadi tanda lako kalemi dio mai PUANG, kumua PUANG la umpogau’i tu apa mangka Napokada. La maleraka sangpulo pellesean tu bayo-bayo lako tingayo, ba’tu la sorong boko’raka sangpulo pellesean?

1 OSSORANNA DATU 8:13

Iatu Beria sola Sema iamo pangulu rapunna to untorroi Ayalon; iamote tau iate unnula’i to untorroi Gat.

2 OSSORANNA DATU 11:10

sia Zora sia Ayalon na Hebron; mintu’nato iamo kota ditambakuku lan lili’na Yehuda sia Benyamin.

AYUB 9:7

Ia umparentai tu allo, anna tae’ nadellek sia Ia untutu’ bintoen, anNa ca’i.

PA’PUDIAN 148:3

Pudimi, e allo sia bulan, pudimi, e mintu’ bintoen tasak.

PA’PUDIAN 19:4

Tae’ basana sia tae’ kadanna; tae’ misa’ tau urrangi gamaranna.

PA’PUDIAN 74:16

Kamumo ampunna tu masiang sia Kamumo tu ampunna bongi; Kamumo tu umpatorroi inanna tu arrang sama lele sola batunna kulla’.

YESAYA 28:21

Belanna la ke’de’ tu PUANG, susi tonna dao buntu Perasim sia kedo susi tonna dio lombok Gibeon, la ungkarang pengkaranganNa – iatu pengkaranganNa la memangngan; la umpogau’ penggauranNa – na iatu penggauranNa la makalaen-laen.

YESAYA 38:8

Iatu bayo-bayo mata allo, tu solo’mo dio eranna Ahas, la Kukondoran sule sangpulo pellesean. Kendekmi sule tu mata allo sangpulo pellesean diong mai tu naninna solo’.

YESAYA 60:20

Tae’mo nala lambun tu allomu sia tae’mo nala pu’pu’ tu bulanmu, belanna PUANGmo tu mupoarrang matontongan sia rampo randannamo tu mintu’ allo kamasussammu.

YEREMIA 28:1

Iatonna taun iato, iamo tonna tipamulanna kadatuanna Zedekia, datu Yehuda, tonna taun ma’penna’pa’na, bulan ma’pellimanna, ma’kadami tu nabi Hananya, anakna Azur, tu lu dio mai Gibeon lako kaleku, lan banuanNa PUANG dio tingayona mintu’ to minaa sia mintu’ to buda, nakua:

AMOS 2:9

Moi mangkamo Kusabu’i tu to Amori dio tingayona, moi anna pada lando kayu arasi’ sia pada buku kayu jati, ondongpi Kusabu’i tu buanna dao mai sia uaka’na diong mai.

AMOS 8:9

Allo iato, kadanNa Puangta PUANG, la Kupopentilindung tu mata allo, ke matangngai allo, sia la Kupapittuk tu padang, ke kulla’i allo.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

HABAKUK 3:11

Iatu mata allo sia bulan sorong boko’mo lako inanna; napobua’ arrang anak panaMi tu sumaang lendu’, napobua’ marorrongna doke pandila-dilaMi.

ZAKHARIA 2:13

Ma’pakappakomi, e mintu’ angge menono’, dio oloNa PUANG belanna ke’de’mo dio mai to’ inan maindanNa.

PA’TOLE 17:3

anna male umpengkaolai kapenomban senga’ sia tukku umpenombai, iamotu dio olona mata allo, ba’tu bulan ba’tu iatu mintu’ ma’dandan maritik dao langi’, tu apa mangka Kupa’gagai;

PA’TOLE 4:19

Sia da duka mumentingara langngan langi’ sia mentiro langngan mata allo sia bulan na bintoen, iamotu mintu’ ma’dandan maritik dao langi’ sia da nanaranko la umpenombai sia umpengkaolai, tu Nataai PUANG, Kapenombammu, lako mintu’ bangsa nasambo langi’ –

YOSUA 10:13

Tadangmi tu mata allo sia iatu bulan torromo sae lako mangkanna tu to buda umpabala’i tu mai ualinna. Tang disura’raka te apa iate lan sura’na to Bulo Sanglampa? Tadangmi tu mata allo lan tangngana langi’ sia tae’ namadomi’ lambun.

YOSUA 19:42

Saalabin, Ayalon, Yitla,

YOSUA 21:24

Ayalon sola padang kariuanna, na Gat-Rimon sola padang kariuanna: a’pa’ kota.

TO PARENGNGE’ 12:12

Matemi tu Elon, to Zebulon, anna dilamun dio Ayalon, dio lili’na Zebulon.

TO PARENGNGE’ 5:20

Dao duka mai langi’ parari tu bintoen, tassu’ lan mai lalanna ullaoi Sisera.

1 SAMUEL 12:18

Meongli’mi tu Samuel lako PUANG, na allo ia dukato Napasaei PUANG tu guntu’ sia uran, anna mandu mataku’ tu to buda lako PUANG sia lako Samuel.

1 SAMUEL 14:31

Allo ia dukato nataloi tu to Filistin randuk dio mai Mikhmas sae lako Ayalon, naurunganni lendu’ mata’ka’na tu to buda.