YOSUA 10:11 - Sura' Madatu

¹¹ Iatonna mallaimo tu tau iato mai dio mai tingayona to Israel sia umpolalanmo mennaa’na Bet-Horon, Naurannimi PUANG batu kapua dao mai langi’ sae lako Azeka, namate tu tau iato; iatu to mate narua batu mandu buda na iatu to napatei pa’dang to Israel.

YOSUA 10:11 ပူးပေါင်းရင်းမြစ်များ

YESAYA 28:2

La bu’tu dio mai Puang tu misa’ to matoto’ sia lalong, susito uran batu ma’kalle’dang-le’dang sia bara’ mesanggangi, susi uai saba’ mariak anna kabu’i tu mintu’na sia napemparrakan rokko padang.

TO PARENGNGE’ 5:20

Dao duka mai langi’ parari tu bintoen, tassu’ lan mai lalanna ullaoi Sisera.

KADA OMBO’ LAKO RASULU’ YOHANES 16:21

Saemi tu uran batu kamban unta’pai tolino, agi-agi sangtalenta magasanna ke misa’i, napa’kada solangimi tolino tu Puang Matua belanna kamaparrisan uran batu, apa lendu’ kapuana tu kamaparrisan iato.

KADA OMBO’ LAKO RASULU’ YOHANES 11:19

Tibungka’mi tu banuanNa Puang Matua dao suruga, kaananmi tu patti pangalluranNa Puang Matua lan tu banua iato; saemi ba’tu pira-pira kila’ sia gamara sia guntu’ sia lino’ sia uran batu kamban.

YEHEZKIEL 13:11

ma’kadako lako to massapu’ kapu’ kumua: manassa la songka. La sae tu uran kamban, na iko, tu uran batu la tibollo, sia angin bara’ la ma’pamumbuk.

YESAYA 30:30

Attu iato la umpa’perangian gamara mandu mala’bi’Na tu PUANG sia umpa’pekitanan takia’Na tu songlo’ situang kasengkean ma’lulu-lulunNa, sia dukku api ma’kande pu’pu’, sola uai saba’ sia angin bara’ sia uran batu.

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

AYUB 38:22

Mulambi’moraka tu bilik pangrampunanna ambun makko? Sia mutiromoraka tu bilik pangrampunanna uran batu,

PA’TOLE 20:4

belanna iatu PUANG, Kapenombammi den ussisolangkomi la umparariangkomi ullaoi ualimmi, kumua Nabenkomi kapataloan.

2 SAMUEL 18:8

Sakerangan-rangannami tu rari dio lu mintu’ padang iato, naurungan allo iato mintu’ tu tau nasanggang pangala’ mandu buda na iatu to nakande pa’dang.

AYUB 38:23

tu Kunannanmo attunna kapussakan, sia allona kasirarian na tananan ra’?

PA’PUDIAN 147:17

Ia umpasonglo’ uran batu ma’kale’dang-le’dang, mindara la untananni narua kamasangkanganNa?

YESAYA 28:21

Belanna la ke’de’ tu PUANG, susi tonna dao buntu Perasim sia kedo susi tonna dio lombok Gibeon, la ungkarang pengkaranganNa – iatu pengkaranganNa la memangngan; la umpogau’ penggauranNa – na iatu penggauranNa la makalaen-laen.