YOSUA 1:9 - Sura' Madatu

⁹ Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

YOSUA 1:9 ပူးပေါင်းရင်းမြစ်များ

KADADIAN 28:15

Manassa la Kurondongko sia la Kurinding pala’ko umba-umba muola sia la Kupasuleko indete padang iate, belanna tae’ angKu la untampeko sae lako Kupogau’na tu apa mangka Kuallu’ lako kalemu.

KADADIAN 39:2

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

KADADIAN 39:3

Iatonna tiroi puangna Narondong PUANG sia PUANG umpamaupa’i tu mintu’ napogau’na tete dio Yusuf,

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

2 OSSORANNA DATU 15:7

Iamoto pabatta’mi tu penaammi, da nalangga’ tu limammi, belanna iatu pengkarangammi la den poleanna.

PA’PUDIAN 46:7

Marukka’mi tu mintu’ bangsa sia tigega’ tu mintu’ parenta, sumarabami tu Puang, anna bonno’ tu lino.

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

YESAYA 43:1

Apa totemo, kadanNa PUANG, To tumampamu, e Yakub, sia To kumombongmu, e Israel, da mumataku’, belanna Akumo ullendokangko, Kutambaimo tu sangammu sia ikomo taungKu.

YESAYA 43:5

Da mumataku’, belanna Kurondongko; la Kupasae dio mai rampe matallo tu mai bati’mu sia la Kukorok londongko dio mai rampe matampu’.

YESAYA 8:12

Da misa’bu’ lenni tu kasiturusan pepayunna tu nasanga kasiturusan pepayu te bangsa iate, sia da mikataku’i tu nakataku’na sia da mikagiangi.

DANIEL 10:19

Da mumataku’, e to tarru’ dipakaboro’, torro marampa’ko, mengkabatta’ko, ondongpi mengkabatta’ko. Iatonna marassan ussipa’kadanna’, matoto’mo’, angku ma’kada kukua: O puangku, ma’kadamokomi, belanna mangkamo’ mipamatoto’.

HAGAI 2:4

Mindaparakomi tu dennapa, untiroi tu kamala’biran dolona te banua iate? Umba nakua mitiro totemo? Tae’raka nasusi to apa matuna bang ditiro?

HAGAI 2:5

Apa totemo, pabatta’i tu peanaammu, e Zerubabel, kadanNa PUANG, sia pabatta’i tu penaammu, e Yosua, anakna Yozadak, tominaa kapua, sia pabatta’i tu penaammi, e mintu’ to budanna tondok, kadanNa PUANG, sia mengkarang tarru’komi, belanna Kurondongkomi, kadanNa PUANGna mintu’ ma’dandan maritik,

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

PA’TOLE 1:21

Manassa PUANG, Kapenombammu, ussorongi te tondok iate lako kalemu, ke’de’moko, ammu alai, susitu Napokadammoko PUANG, Kapenombanna nene’ to dolomu; da mumataku’ sia da mutiramban.

PA’TOLE 20:1

Iake la ke’de’ko lao parari ullaoi ualimmu, ammu tiroi tu mai darang sia kareta, iamotu misa’ bangsa mandu buda anna iko, manassa da mukataku’i, belanna iatu PUANG, Kapenombammu, urrondongko, tu ussolangko sun lan mai tondok Mesir.

PA’TOLE 31:23

Sia Napasan Puang tu Yosua, anakna Nun, nakua: La matoto’ko sia barani, belanna ikomo la ussolanni tu to Israel tama tondok, tu mangka Kualluranni Kupalaoi sumpa, sia Aku la urrondongko.

PA’TOLE 31:28

Tambaimi tu mintu’ pekaamberanna sukummi sia mantari’mi sirampun lako kaleku, angku pokadai te mintu’ kada dio pa’peranginna sia la kutambai tu langi’ sia padang la ussa’bii umpasalai tu tau iato.

YOSUA 1:10

Mangkato nasuami Yosua tu mintu’ pangulu, nakua:

YOSUA 1:17

Susitu Musa kituru’, susi dukamoto tu kamu la kituru’; Narondongmorokomi PUANG, Kapenombammi, susi kaNarondonganna tu Musa.

YOSUA 1:18

Minda-minda umbali parentami sia tae’ naperangii tu kadammi lan mintu’ apa mipesuan lako kalena, manassa la dipatei. Podo ammi batta’ sia lalong.

YOSUA 10:25

Ma’kadami tu Yosua lako, nakua: Da mimataku’, da mimasussa, sangadinna la batta’komi sia lalong, belanna susimoto tu penggauranNa PUANG lako mintu’ te uali mirarii.

YOSUA 10:8

Ma’kadami PUANG lako Yosua, Nakua: Da mukataku’i tu tau iato mai, belanna la Kusorong tama kuasammu, moi misa’ tu tau iato tang nasara bendan dio tingayomu.

YOSUA 3:7

Ma’kadami tu PUANG lako Yosua, Nakua: Allo iate Kuranduk umpatarompo’ko dio pentirona mintu’ to Israel, anna issanni, kumua: Susitu Musa mangka Kurondong, susi dukato Aku la urrondongko.

YOSUA 6:27

Narondongmi PUANG tu Yosua sia kalelean tu sanganna lan lu mintu’ tondok.

YOSUA 8:1

Ta’kala ma’kadami tu PUANG lako Yosua, Nakua: Da mumataku’ sia da mutiramban! Solanni tu mintu’ surodadu, ammu ke’de’ ullaoi Ai. Manassa la Kusorong tama limammu tu datu Ai, sia mintu’ taunna sia kotana sia tondokna.

TO PARENGNGE’ 6:14

Attu iato messailemi tu PUANG Nama’kada lako, Nakua: Ke’de’moko situang te kamatotorammu, ammu rampananni tu to Israel lan mai limanna to Midian. Tangiaraka Aku te ussuako?

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.